ഇന്ത്യന്‍ ഹോക്കി താരം സന്ദീപ് സിംഗിന്റെ ജീവിത കഥ പ്രമേയമായി ഒരുങ്ങുന്ന സൂര്‍മയുടെ ട്രെയിലര്‍ പുറത്തിറങ്ങി. ഷാദ് അലി സംവിധാനം ചെയ്യുന്ന ചിത്രത്തില്‍ ദില്‍ജിത്ത് ആണ് സന്ദീപ് സിംഗായി വേഷമിടുന്നത്. തപ്‌സിയാണ് ചിത്രത്തിലെ നായിക. ഗുല്‍സാറിന്റെ വരികള്‍ക്ക് ശങ്കര്‍ എഹാസാന്‍ ലോയ് സംഗീതം ഒരുക്കുന്നു. കഠിനാദ്ധ്വാനം ചെയ്താല്‍ അസാധ്യമായതായി ഒന്നും ഇല്ലെന്ന സന്ദേശമാണ് സിനിമയിലൂടെ പകരാന്‍ ശ്രമിക്കുന്നത്.
2006ല്‍ ട്രെയിനില്‍ വെച്ച് അവിചാരിതമായി വെടിയേറ്റ സന്ദീപ് സിംഗ് 2008 ല്‍ ഹോക്കിയിലേക്ക് വന്‍ തിരിച്ചു വരവാണ് നടത്തിയത്. ഹിന്ദി, പഞ്ചാബി എന്നീ ഭാഷകളില്‍ ഒരുങ്ങുന്ന ചിത്രം സോണി പിക്‌ചേഴ്‌സ് ആണ് നിര്‍മിക്കുന്നത്.
