സോണി പിഎസ് 5, പിഎസ് 5 ഡിജിറ്റല്‍ എഡിഷന്‍ ജൂലൈ 12 തിങ്കളാഴ്ച ഇന്ത്യയില്‍ വീണ്ടും സ്റ്റോക്കിലെത്തും. ഇത് അഞ്ചാം തവണയാണ് പ്ലേസ്റ്റേഷന്‍ 5 ഇന്ത്യയില്‍ വില്‍പ്പനയ്ക്കായി ലഭ്യമാകുന്നത്. മൂന്നാം തവണയും ഡിസ്ലെസ് എഡിഷനായ പ്ലേസ്റ്റേഷന്‍ 5 ഡിജിറ്റല്‍ എഡിഷന്‍ ലഭ്യമാക്കി, ഇത് തിരികെ സ്റ്റോക്കിലേക്ക് വരും. അവസാന പിഎസ് 5 റീസ്റ്റോക്ക് ജൂണ്‍ 23 നാണ് നടന്നത്.
ആമസോണ്‍, ക്രോമ, ഫ്‌ലിപ്കാര്‍ട്ട്, ഗെയിംസ് ദി ഷോപ്പ്, റിലയന്‍സ് ഡിജിറ്റല്‍ എന്നിവയുള്‍പ്പെടെയുള്ള ചില്ലറ വ്യാപാരികള്‍ പിഎസ് 5, പിഎസ് 5 ഡിജിറ്റല്‍ എഡിഷന്‍ വില്‍പ്പനയ്ക്കായി ലഭ്യമാക്കുമെന്ന് പറയുന്നു. തിങ്കളാഴ്ച ഉച്ചയ്ക്ക് കൃത്യം 12:00 മണിക്ക് പിഎസ് 5, പിഎസ് 5 ഡിജിറ്റല്‍ എഡിഷനായുള്ള പ്രീ-ബുക്കിംഗ് ആരംഭിക്കും. മറ്റ് റീട്ടെയിലര്‍മാരും രാജ്യത്ത് അതത് ഓണ്‍ലൈന്‍, ഓഫ്ലൈന്‍ സാന്നിധ്യം വഴി ലഭ്യത ഉടന്‍ പ്രഖ്യാപിക്കാന്‍ സാധ്യതയുണ്ട്.
ആമസോണ്‍ ഇന്ത്യ, ക്രോമ, ഫ്‌ലിപ്കാര്‍ട്ട്, ഗെയിംസ് ദി ഷോപ്പ്, പ്രീപെയ്ഡ് ഗെയിമര്‍ കാര്‍ഡ്, റിലയന്‍സ് ഡിജിറ്റല്‍, സോണി സെന്റര്‍ (ഷോപ്പ് എടിഎസ്സി), വിജയ് സെയില്‍സ് എന്നിവയാണ് രാജ്യത്തെ ഔദ്യോഗിക പിഎസ് 5 റീട്ടെയിലര്‍മാര്‍.
