തിരുവനന്തപുരം: സംസ്ഥാനത്ത് സര്‍വകലാശാലകളെ തകര്‍ക്കാന്‍ ചിലര്‍ ശ്രമിക്കുന്നുണ്ടെന്ന് ഗവര്‍ണര്‍ ആരിഫ് മുഹമ്മദ് ഖാന്‍. കെടിയുവിൽ അടക്കം വിസിയുടെ പ്രവര്‍ത്തനങ്ങള്‍ക്ക് നിയന്ത്രണം ഏര്‍പ്പെടുത്തുന്നത് ശരിയല്ല. പരിമിതമായ അധികാരമുപയോഗിച്ച് സര്‍വകലാശാലകളെ സംരക്ഷിക്കാന്‍ ആണ് ശ്രമിക്കുന്നതെന്നും ഗവര്‍ണര്‍ പറഞ്ഞു. സാങ്കേതിക സര്‍വകലാശാലയിലെ വിവാദങ്ങളില്‍ കക്ഷിചേരാനില്ലെന്നും ആത്യന്തികമായി ദോഷം വിദ്യാര്‍ഥികള്‍ക്കാണെന്നും ഗവര്‍ണര്‍ പറഞ്ഞു.
‘സർവകലാശാലകളെ തകർക്കാൻ ശ്രമം’,വിസിയുടെ പ്രവർത്തനങ്ങൾ നിയന്ത്രിക്കുന്നത് ശരിയല്ലെന്ന് ഗവ‍ർണർ
