ആലപ്പുഴ: ദുരിതാശ്വാസ ക്യാമ്പുകള് പ്രവര്ത്തിക്കുന്ന ആലപ്പുഴ ജില്ലയിലെ സ്കൂളുകളില് പകുതിയില് മാത്രമെ നാളെ ക്ലാസുകള് തുടങ്ങൂവെന്ന് തോമസ് ഐസക്ക്.
ഓണാവധിക്കു ശേഷം ആഗസ്റ്റ് 29 ന് തന്നെ സ്കൂളുകള് തുറന്ന് പ്രവര്ത്തിക്കുമെന്ന് വിദ്യാഭ്യാസ മന്ത്രി സി രവീന്ദ്രനാഥ് നേരത്തെ അറിയിച്ചിരുന്നു. എന്നാല് ദുരിതാശ്വാസ കേന്ദ്രങ്ങളായി പ്രവര്ത്തിക്കുന്ന സ്കൂളുകളില് ചിലതാണ് നാളെ തുറക്കാത്തത്. 31 ന് മുഴുവന് സ്കൂളുകളും തുറക്കും.
ഒന്നാം പാദ വാര്ഷിക പരീക്ഷകള് മാറ്റി വച്ചിട്ടുണ്ട്. പ്രളയത്തില് പാഠപുസ്തകങ്ങളും യൂണിഫോമും നഷ്ടപ്പെട്ട വിദ്യാര്ത്ഥികള് ആഗസ്റ്റ് 31 നുള്ളില് അവരവരുടെ സ്കൂളുകളില് വിവരം രജിസ്റ്റര് ചെയ്യേണ്ടതാണെന്നും വിദ്യാഭ്യാസ മന്ത്രി പറഞ്ഞു. അടുത്ത ദിവസങ്ങളില് തന്നെ ഇവ വിതരണം ചെയ്യുന്നതിനുള്ള സംവിധാനങ്ങളും ഏര്പ്പെടുത്തിയിട്ടുണ്ടെന്നും മന്ത്രി വ്യക്തമാക്കി.