ഹൈബ്രിഡ് 5015 ട്രാക്ടര്‍ ഇന്ത്യയില്‍ അവതരിപ്പിച്ച്‌ സോളിസ്; വില 7.21 ലക്ഷം രൂപ

സോളിസ് യാന്‍മാര്‍ പരിധിയിലുള്ള ഇന്റര്‍നാഷണല്‍ ട്രാക്ടേഴ്‌സ് ലിമിറ്റഡ് (ITL) പുതിയ സോളിസ് ഹൈബ്രിഡ് 5015 ട്രാക്ടര്‍ ഇന്ത്യയില്‍ അവതരിപ്പിച്ചു. 7.21 ലക്ഷം രൂപയാണ് വാഹനത്തിന്റെ എക്‌സ്‌ഷോറൂം വില.

ഇതിനായുള്ള ബുക്കിംഗും കമ്പനി ആരംഭിച്ചു. ഇ-പവര്‍ബൂസ്റ്റ് സാങ്കേതികവിദ്യ അവതരിപ്പിച്ച ഇന്ത്യയിലെ ആദ്യത്തെ ട്രാക്ടര്‍ നിര്‍മ്മാതാവായി ITL മാറി, കൂടാതെ അനുബന്ധ ഉല്‍പ്പന്ന സാങ്കേതികവിദ്യകള്‍ക്കും കമ്പനി പേറ്റന്റ് നേടിയിട്ടുണ്ട്.

പുതിയ സോളിസ് ഹൈബ്രിഡ് 5015 ട്രാക്ടര്‍ പുറത്തിറക്കുന്നതോടെ ഫോര്‍ വീല്‍ ഡ്രൈവ് (4WD) ട്രാക്ടര്‍ വിഭാഗത്തില്‍ സോളിസ് യാന്‍മാറിന്റെ സ്ഥാനം കൂടുതല്‍ ശക്തിപ്പെടുത്താനാണ് ITL ലക്ഷ്യമിടുന്നത്.
കമ്പനി അംഗീകൃത ഡീലര്‍ഷിപ്പുകളില്‍ പാന്‍-ഇന്ത്യയില്‍ ലഭ്യമാണ്. കയറ്റുമതിയുടെ കാര്യത്തില്‍ ഏറ്റവും ഉയര്‍ന്നതാണെന്നും ആഭ്യന്തര വിപണിയിലെ ട്രാക്ടറുകളെ സംബന്ധിച്ചിടത്തോളം പേരുകേട്ട കമ്പനികളിലൊന്നാണെന്നും ITL അവകാശപ്പെടുന്നു.

Top