മുംബൈ: ലാത്തൂരിലെ തെരഞ്ഞെടുപ്പു പ്രചാരണത്തിനിടെ പ്രധാനമന്ത്രി നരേന്ദ്രമോദി നടത്തിയ പ്രസംഗം ചട്ടലംഘനമാണെന്ന് തെരഞ്ഞെടുപ്പ് ഓഫീസര്.
പുല്വാമയില് കൊല്ലപ്പെട്ട സൈനികരുടെ പേരിലും ബാലാകോട്ടില് വ്യോമാക്രമണം നടത്തിയ സൈനികരുടെ പേരിലും വോട്ടഭ്യര്ഥിച്ച സംഭവമാണ് പെരുമാറ്റച്ചട്ടത്തിന്റെ ലംഘനമാണെന്ന് തെരഞ്ഞെടുപ്പ് ഓഫീസര് അറിയിച്ചിരിക്കുന്നത്. ജില്ലാ ഓഫീസര് മഹാരാഷ്ട്ര മുഖ്യ തെരഞ്ഞെടുപ്പ് ഓഫീസര്ക്കു നല്കിയ റിപ്പോര്ട്ടില് ഇക്കാര്യം വ്യക്തമാക്കിയിട്ടുണ്ട്.
റിപ്പോര്ട്ടും മോദിയുടെ പ്രസംഗത്തിന്റെ വിശദാംശങ്ങളും കേന്ദ്ര തെരഞ്ഞെടുപ്പ് കമ്മീഷന് കൈമാറും. എന്തു നടപടിയെടുക്കണമെന്ന കാര്യത്തില് തെരഞ്ഞെടുപ്പ് കമ്മീഷനാണ് തീരുമാനമെടുക്കുക.
ജില്ലാ തെരഞ്ഞെടുപ്പ് ഓഫീസറുടെ റിപ്പോര്ട്ടിലെ കണ്ടെത്തലുകളോട് കേന്ദ്ര തെരഞ്ഞെടുപ്പ് കമ്മീഷന് യോജിച്ചാല് പ്രധാനമന്ത്രിയോട് വിശദീകരണം ചോദിക്കും. ഇക്കാര്യത്തില് ഈ ആഴ്ച തന്നെ തുടര് നടപടിയുണ്ടാകുമെന്നാണ് റിപ്പോര്ട്ടുകള്.