സ്മൈൽസ് പ്ലസ് സേവന പാക്കേജ് പുറത്തിറക്കുമെന്ന് പ്രഖ്യാപിച്ച് ടൊയോട്ട കിർലോസ്കർ മോട്ടോർ (ടി കെ എം). ഓഫർ എന്ന നിലയിൽ, ഉപഭോക്താവിന്റെ ആവശ്യങ്ങൾക്ക് അനുസൃതമായി ഈ പാക്കേജ് ഇച്ഛാനുസൃതമാക്കുകയും ഇന്ത്യയിലുടനീളം ലഭ്യമായ പ്രീ-പെയ്ഡ് പാക്കേജുകൾ ഉൾക്കൊള്ളുകയും ചെയ്യുമെന്ന് കമ്പനി അറിയിച്ചു.
സേവന സ്ഥാനത്തിന്റെ സൗകര്യം, വിലവർധനയിൽ നിന്നുള്ള പരിരക്ഷ, സേവനച്ചെലവിൽ ലാഭം, ടൊയോട്ടയുടെ ഒറിജിനൽ പാർട്സിന്റെ ഉപയോഗവും മികച്ച സേവനവും, വിദഗ്ദ്ധ പരിശീലനം നേടിയ മികച്ച ടെക്‌നീഷ്യ ന്മാരുടെ സേവനം, സൂപ്പർ ഹെൽത്ത്, എന്നീ പാക്കേജുകൾ പൊതുവായ അറ്റകുറ്റപ്പണികൾ ഇഷ്ടാനുസൃത മാക്കാനുള്ള ഓപ്ഷനുകൾ ഉള്‍പ്പെടെ ആവേശകരമായ ആനുകൂല്യങ്ങളുടെയും മെച്ചപ്പെട്ട സേവനങ്ങളുടെയും ഒരു നിര ഈ പാക്കേജ് പ്രദാനം ചെയ്യുന്നതായും കമ്പനി അറിയിച്ചു.
