ടിവിഎസ് മോട്ടോര്‍ കമ്പനി 2023 ഓഗസ്റ്റ് 23-ന് അവതരിപ്പിക്കാനിരിക്കുന്ന ഇലക്ട്രിക് സ്‌കൂട്ടറിന്റെ പുതിയൊരു ടീസര്‍ പുറത്തിറക്കി. പുതിയ ഇ-സ്‌കൂട്ടറിന്റെ പേരും വിശദാംശങ്ങളും കമ്പനി ഇതുവരെ പുറത്ത് വിട്ടിട്ടില്ല. ഇത് ടിവിഎസ് ക്രിയോണിന്റെ പ്രൊഡക്ഷന്‍ പതിപ്പ് ആയിരിക്കുമെന്നാണ് റിപ്പോര്‍ട്ട്. റൈഡിംഗ് മോഡുകളെ അടിസ്ഥാനമാക്കി വിവിധ ഡിസ്പ്ലേ തീമുകളുള്ള ദീര്‍ഘചതുരാകൃതിയിലുള്ള ഇന്‍സ്ട്രുമെന്റ് ക്ലസ്റ്റര്‍ ഈ ഏറ്റവും പുതിയ ടീസര്‍ പ്രദര്‍ശിപ്പിക്കുന്നു. സ്മാര്‍ട്ട്ഫോണ്‍ കണക്റ്റിവിറ്റിയും ബ്ലൂടൂത്തും ഈ യൂണിറ്റിന് പിന്തുണയ്ക്കുമെന്നും റിപ്പോര്‍ട്ടുകള്‍ ഉണ്ട.
പുതിയ ടിവിഎസ് ഇലക്ട്രിക് സ്‌കൂട്ടറില്‍ മള്‍ട്ടി-വിന്‍ഡോ ഡിസ്പ്ലേ ഉണ്ടായിരിക്കും. ടിവിഎസ് ക്രിയോണ്‍ സ്മാര്‍ട്ട് വാച്ച് കണക്ടിവിറ്റിയും വാഗ്ദാനം ചെയ്‌തേക്കാം. മുമ്പത്തെ ടീസറുകള്‍ ഈ ഇലക്ട്രിക് സ്‌കൂട്ടറില്‍ ചതുരാകൃതിയില്‍ ലംബമായിട്ടുള്ള ലൈറ്റുകളുടെയും പിന്‍ എല്‍ഇഡികളുടെയും സാന്നിധ്യം വ്യക്തമാക്കിയിരുന്നു.
ടിവിഎസ് ക്രിയോണ്‍ ഇലക്ട്രിക് സ്‌കൂട്ടര്‍ കണ്‍സെപ്റ്റില്‍ 12kWh ഇലക്ട്രിക് മോട്ടോറും മൂന്ന് ലിഥിയം-അയണ്‍ ബാറ്ററികളും ലഭിച്ചേക്കും. പൂജ്യത്തില്‍ നിന്നും 60 കിമി ആക്‌സിലറേഷന്‍ സമയവും 5.1 സെക്കന്‍ഡും 80 കിമി റേഞ്ചും ഈ കണ്‍സെപ്റ്റിന് ഉണ്ട്. 60 മിനിറ്റിനുള്ളില്‍ ബാറ്ററി 80 ശതമാനം വരെ ചാര്‍ജ് ചെയ്യാന്‍ കഴിയുന്ന ഫാസ്റ്റ് ചാര്‍ജിംഗും ഇതിന് ലഭിക്കുന്നു.
ഫീച്ചറുകളുടെ കാര്യത്തില്‍ ക്രിയോണ്‍ കണ്‍സെപ്റ്റില്‍ സ്മാര്‍ട്ട്ഫോണ്‍ ചാര്‍ജര്‍, സിംഗിള്‍-ചാനല്‍ എബിഎസ് (ആന്റി-ലോക്ക് ബ്രേക്കിംഗ് സിസ്റ്റം), ഫ്രണ്ട് ആന്‍ഡ് റിയര്‍ ഡിസ്‌ക് ബ്രേക്കുകള്‍, ബാറ്ററി ചാര്‍ജ്, ബാറ്ററി ഹെല്‍ത്ത് സ്റ്റാറ്റസ്, ടാക്കോമീറ്റര്‍, ട്രിപ്പ് മീറ്റര്‍, ഓഡോമീറ്റര്‍ എന്നിവ പ്രദര്‍ശിപ്പിക്കുന്ന ടിഎഫ്ടി സ്‌ക്രീന്‍ എന്നിവ ഉള്‍പ്പെടുന്നു. ക്ലൗഡ് കണക്റ്റിവിറ്റി, ജിപിഎസ്, ജിയോഫെന്‍സിംഗ്, മൂന്ന് റൈഡിംഗ് മോഡുകള്‍, റീജനറേറ്റീവ് ബ്രേക്കിംഗ്, സുരക്ഷ/ആന്റി-തെഫ്റ്റ് ഫീച്ചറുകള്‍, പാര്‍ക്ക് അസിസ്റ്റ് തുടങ്ങിയ ഫീച്ചറുകളും ഉണ്ട്. ഒരു അലുമിനിയം പെരിമീറ്റര്‍ ഫ്രെയിമിലാണ് ടിവിഎസ് ക്രിയോണ്‍ ഇലക്ട്രിക് സ്‌കൂട്ടര്‍ കണ്‍സെപ്റ്റ് നിര്‍മ്മിച്ചിരിക്കുന്നത്. കൂടാതെ ധാരാളം സീറ്റിനടിയില്‍ സ്റ്റോറേജ് സ്‌പേസ് വാഗ്ദാനം ചെയ്യും. ടിവിഎസ് റിമോറ ടയറുകള്‍ ഘടിപ്പിച്ച ഡയമണ്ട് കട്ട് അലോയ് വീലുകളാണ് ഇതില്‍ ഉപയോഗിച്ചിരിക്കുന്നത്.
