മിലാന്: ഇറ്റലിയിലെ കൊറിനാള്ഡോയില് നിശാക്ലബിലുണ്ടായ തിക്കിലും തിരക്കിലും പെട്ട് ആറ് പേര് മരിച്ചു. നൂറോളം പേര്ക്ക് പരിക്കേറ്റു. പരിക്കേറ്റ പലരുടെയും നില ഗുരുതരമാണ്. മരിച്ചവരില് അഞ്ച് പേര് കുട്ടികളാണെന്നും ഇതില് ഒരു കുട്ടിയുടെ അമ്മയും മരിച്ചുവെന്നും അധികൃതര് പറയുന്നു.
ശനിയാഴ്ച പുലര്ച്ചെയോടെയാണ് ദുരന്തമുണ്ടായത്. ഇറ്റലിയിലെ പ്രശസ്ത റാപ്പ് സംഗീതജ്ഞന് ഫെറ എബാസ്റ്റയുടെ സംഗീത വിരുന്നിനിടെയായിരുന്നു ദുരന്തം. നൂറുകണക്കിന് ആളുകള് സംഗീത വിരുന്ന് ആസ്വാദിക്കാന് എത്തിയിരുന്നു.
സംഗീത വിരുന്നിനെത്തിയ ആരോ ഒരാള് എന്തോ സ്പ്രേ ചെയ്തതിന് പിന്നാലെയാണ് തിക്കും തിരക്കുമുണ്ടായതെന്നാണ് ദൃക്സാക്ഷികള് പറയുന്നത്. സംഭവത്തില് പൊലീസ് അന്വേഷണം ആരംഭിച്ചിട്ടുണ്ട്.