ജയ്പുര്‍: രാജസ്ഥാനില്‍ ബസ് വൈദ്യുത കമ്പിയില്‍ തട്ടി തീപിടിച്ചുണ്ടായ അപകടത്തില്‍ ആറ് പേര്‍ മരിച്ചു. 19 പേര്‍ക്ക് പരിക്കേറ്റു. ജാലോറിലാണ് സംഭവം. ഇവരില്‍ ആറു പേരുടെ ആരോഗ്യനില അതീവ ഗുരുതരാവസ്ഥയിലാണ്.
ബാര്‍മിര്‍ ജൈനക്ഷേത്രം സന്ദര്‍ശിച്ച് മടങ്ങുകയായിരുന്ന അജ്മീര്‍ സ്വദേശികളാണ് ബസിലുണ്ടായിരുന്നത്. ഗൂഗിള്‍ മാപ്പിന്റെ സഹായത്തോടെയാണ് ഡ്രൈവര്‍ വാഹനമോടിച്ചത്. എന്നാല്‍ തെറ്റായ ദിശയിലേക്ക് തിരിഞ്ഞ ബസ് വൈദ്യുത കമ്പിയിലിടിച്ചാണ് അപകടമുണ്ടായത്.
സംഭവത്തില്‍ പ്രധാനമന്ത്രി നരേന്ദ്രമോദിയും രാജസ്ഥാന്‍ മുഖ്യമന്ത്രി അശോക് ഗെഹ്ലോട്ടും അനുശോചനം അറിയിച്ചു.
