ന്യൂഡല്‍ഹി: കര്‍ഷക സമരം ശക്തമായിരിക്കുന്ന സിംഗുവില്‍ നാട്ടുകാരും കര്‍ഷകരും തമ്മില്‍ സംഘര്‍ഷം. കര്‍ഷകര്‍ ഇന്ത്യന്‍ ദേശീയ പതാകയെ അപമാനിച്ചു എന്നും സമരക്കാര്‍ ഒഴിഞ്ഞു പോകണമെന്നുമാണ് നാട്ടുകാരുടെ ആവശ്യം. കര്‍ഷക പ്രക്ഷോഭം നടക്കുന്ന സമരപ്പന്തലിലേയ്ക്ക് ഒരു കൂട്ടം നാട്ടുകാര്‍ തള്ളിക്കയറാന്‍ ശ്രമിച്ചതാണ് സംഘര്‍ഷമുണ്ടാകാന്‍ കാരണമായിരുന്നത്. ദിവസങ്ങളായി അടഞ്ഞു കിടക്കുന്ന റോഡുകള്‍ തുറന്നു കൊടുക്കണമെന്നും നാട്ടുകാര്‍ ആവശ്യപ്പെട്ടു.
നാട്ടുകാരുടെ കയ്യില്‍ ഡല്‍ഹി പൊലീസ് സിന്ദാബാദ് പ്ലക്കാര്‍ഡുകള്‍ ഉണ്ടായിരുന്നു. സംഘര്‍ഷത്തില്‍ ഒരു പൊലീസുകാരന് പരിക്കേറ്റു. നാട്ടുകാരും സമരക്കാരും തമ്മില്‍ കല്ലേറ് നടന്നു. പൊലീസ് ലാത്തി വീശുകയും ബാരിക്കേഡുകള്‍ സ്ഥാപിക്കുകയും ചെയ്തു.
