കോഴിക്കോട് : തദ്ദേശ തിരഞ്ഞെടുപ്പിന്റ മൂന്നാം ഘട്ടത്തിന്റെ നിശബ്ദ പ്രചാരണം ഇന്ന് നടക്കും. നാളെയാണ് വോട്ടെടുപ്പ് നടക്കുക. കണ്ണൂർ, കാസർകോട്, മലപ്പുറം, കോഴിക്കോട് ജില്ലകളിലാണ് നാളെ ഇലക്ഷൻ നടക്കുക. നാല് ജില്ലകളിലായി 10,834 ബൂത്തുകളിലാണ് വോട്ടെടുപ്പ് നടക്കുക.
വടക്കൻ കേരളത്തിലെ തദ്ദേശ തെരഞ്ഞെടുപ്പ് വെൽഫെയര്‍ പാര്‍ട്ടി-കോൺഗ്രസ് നീക്കുപോക്കിന്‍റെ വിലയിരുത്തൽ കൂടിയാകുമെന്നാണ് പൊതു നിരീക്ഷണം. പലയിടത്തും കോവിഡ് നിയന്ത്രണങ്ങളും ലംഘിച്ചാണ് അവസാനഘട്ട കലാശക്കൊട്ട് നടന്നത് എന്ന് പരാതി ഉയർന്നിട്ടുണ്ട്.
