കൊച്ചി: സ്വര്ണ്ണക്കടത്ത് കേസില് എം ശിവശങ്കറുടെ ജാമ്യാപേക്ഷയില് ഇന്ന് വിധി. സാമ്പത്തിക കുറ്റകൃത്യങ്ങള്ക്കായുള്ള പ്രത്യേക കോടതിയാണ് ഹര്ജി പരിഗണിച്ചത്. കള്ളക്കടത്തില് തനിക്ക് പങ്കില്ലെന്നും ഇക്കാര്യത്തില് കസ്റ്റംസിന് യാതൊരു തെളിവും ഹാജരാക്കാന് ആയില്ലെന്നുമാണ് ശിവശങ്കറിന്റെ വാദം. തനിക്കെതിരെ കേസിലെ ഒരു സാക്ഷിയുടെ മൊഴി മാത്രമാണുള്ളതെന്നും ജാമ്യാപേക്ഷയില് പറയുന്നു.
എന്നാല് കള്ളക്കടത്ത് റാക്കറ്റിലെ പ്രധാന കണ്ണിയാണ് ശിവശങ്കറെന്നും ശക്തമായ തെളിവുകള് ലഭിച്ചിട്ടുണ്ടെന്നുമാണ് കസ്റ്റംസിന്റെ വാദം. യുഎഇയുമായുള്ള ബന്ധത്തെ പോലും ബാധിച്ച കേസാണിതെന്നും, ശിവശങ്കറിന് ജാമ്യം അനുവദിച്ചാല് സാക്ഷികളെ സ്വാധീനിക്കാനും തെളിവ് നശിപ്പിക്കാനും സാധ്യതയുണ്ടെന്നും കസ്റ്റംസ് പറയുന്നു.