കൊച്ചി: സല്ത്താന് ബത്തേരി സര്വജന സ്കൂളിലെ വിദ്യാര്ത്ഥി ഷെഹല മരിച്ച സംഭവത്തില് അധ്യാപകര് ഹൈക്കോടതിയില് മുന്കൂര് ജാമ്യാപേക്ഷ നല്കി. കേസില് പ്രതിചേര്ക്കപ്പെട്ട ഹെഡ്മാസ്റ്റര് കെ.കെ.മോഹനന്, അധ്യാപകനായ ഷജില് എന്നിവരാണ് ഇന്ന് ഹൈക്കോടതിയില് മുന്കൂര് ജാമ്യാപേക്ഷ നല്കിയത്.
മരണത്തില് സ്കൂളിലെ മൂന്ന് അധ്യാപകര്ക്കെതിരെയും അടിയന്തരമായി പ്രാഥമിക ചികിത്സ നല്കാഞ്ഞതിന് താലൂക്ക് ആശുപത്രിയിലെ ഡോക്ടര്ക്കെതിരെയുമായിരുന്നു പോലീസ് കേസെടുത്തത്. മന:പൂര്വ്വമല്ലാത്ത നരഹത്യയ്ക്കും ബാലനീതി വകുപ്പിലെ 75-ാം വകുപ്പ് പ്രകാരവുമാണ് പോലീസ് കേസ് രജിസ്റ്റര് ചെയ്തിരിക്കുന്നത്. ഇതില് രണ്ടാമത്തേത് ജാമ്യം ലഭിക്കാത്ത വകുപ്പാണ്.