തിരുവനന്തപുരം: തെരഞ്ഞെടുപ്പ് പ്രചാരണം സംബന്ധിച്ച് പാര്‍ട്ടിയില്‍ താന്‍ പരാതിനല്‍കിയിട്ടില്ലെന്ന് തിരുവനന്തപുരത്തെ യുഡിഎഫ് സ്ഥാനാര്‍ത്ഥി ശശി തരൂര്‍.
പ്രചാരണത്തില്‍ പോരായ്മ ഉണ്ടെങ്കില്‍ പാര്‍ട്ടി പരിഹരിക്കുമെന്നും അവസാന റൗണ്ടിലായിരിക്കും കോണ്‍ഗ്രസിന്റെ പ്രചാരണം ശക്തമാവുകയെന്നും ശശി തരൂര്‍ പറഞ്ഞു.
കൂടുതല്‍ ശക്തമായ പ്രചാരണം വേണമെന്നാണ് ആവശ്യപ്പെട്ടതെന്നും ചില ഭാഗങ്ങളില്‍ ശക്തമായ പ്രചാരണം വേണം എന്ന് ചിലര്‍ പറഞ്ഞിട്ടുണ്ടെന്നും. ഇത്തവണ കൂടുതല്‍ ശക്തമായ ത്രികോണ മത്സരമാണെന്നും അദ്ദേഹം വ്യക്തമാക്കി.
പ്രവര്‍ത്തകര്‍ തെരഞ്ഞെടുപ്പ് പ്രചാരണ പ്രവര്‍ത്തനങ്ങളില്‍ സജ്ജീവമല്ലെന്ന് കാണിച്ച് ശശി തരൂര്‍ എഐസിസിക്ക് പരാതി നല്‍കിയെന്ന തരത്തില്‍ റിപ്പോര്‍ട്ടുകള്‍ ഉണ്ടായിരുന്നു.
