കൊച്ചി: നടി ഷംന കാസിമിനെ ബ്ലാക്ക് മെയില് ചെയ്ത് പണം തട്ടിയ സംഭവത്തിലെ റിമാന്റിലുള്ള പ്രതികളെ അഞ്ച് ദിവസത്തേക്ക് പൊലീസ് കസ്റ്റഡിയില് വിട്ടു. അതിനിടെ പ്രതികള്ക്കെതിരെ കൂടുതല് പരാതികള് ലഭിച്ചിട്ടുണ്ട്. ഇതുവരെ ആറ് പേരെയാണ് കേസില് പിടികൂടിയത്. കൂടുല് പെണ്കുട്ടികള് ഇവരുടെ തട്ടിപ്പിന് ഇരയായതായാണ് വിവരം.
നാല് പെണ്കുട്ടികള്കൂടി ഇവര്ക്കെതിരെ പരാതിയുമായും വന്നിട്ടുണ്ട്. അതിനിടെ കേസിലെ മറ്റൊരു പ്രതിയായ തൃശ്ശൂര് സ്വദേശി അബദുള് സലാമിനെ പൊലീസ് പിടികൂടിയിരുന്നു. കേസില് സലാമിനെതിരെ അന്വേഷണം നടക്കുന്നതിനിടെയാണ് കോടതിയില് കീഴടങ്ങാനെത്തിയത്. അബദുള് സലാമിനെ പൊലീസ് ചോദ്യം ചെയ്യുകയാണ്.
ഷംനാ കാസിമിന്റെ പരാതി പുറത്തുവന്നതിന് പിന്നാലെയാണ് യുവമോഡല് അടക്കമുള്ളവര് പരാതിയുമായെത്തിയത്. പ്രതികള് സ്വര്ണമാല, പണം എന്നിവ കൈക്കലാക്കിയെന്നും യുവതികള് പരാതിപ്പെട്ടിരുന്നു. ബ്ലാക്ക്മെയില് ചെയ്ത കേസിലെ പ്രതികള് വന് സ്വര്ണ്ണക്കടത്ത് സംഘമാണെന്നായിരുന്നു യുവമോഡലിന്റെ വെളിപ്പെടുത്തല്.