വനിതാ ഗായകരെ ലക്ഷ്യമിട്ട് തന്റെ പേരില്‍ നടത്തുന്ന തട്ടിപ്പ് ചൂണ്ടികാട്ടി സംഗീത സംവിധായകൻ ഷാൻ റഹ്മാൻ. വാട്‌സാപ്പ് ചാറ്റിന്റെ സ്‌ക്രീന്‍ഷോട്ട് സഹിതമാണ് ഷാൻ ഇത് പങ്കുവെച്ചത്. താന്‍ സംഗീതം നൽകിയ പാട്ടുകള്‍ പാടാനാണെന്ന് പറഞ്ഞാണ് ഗായകരെ കബളിപ്പിക്കുന്നതെന്നും കുറച്ചു കാലമായി സംഭവിച്ചുകൊണ്ടിരിക്കുന്ന തട്ടിപ്പാണിതെന്നും ഷാൻ വ്യക്തമാക്കി. അനൂപ് എന്നയാള്‍ മറ്റൊരാളോട് ഇതിനെക്കുറിച്ച് സംസാരിക്കുന്നതിന്റെ വാട്‌സാപ്പ് ചാറ്റാണ് ഷാൻ പുറത്തു വിട്ടിരിക്കുന്നത്. താന്‍ സ്വന്തം സ്റ്റുഡിയോയില്‍ തന്നെയാണ് റെക്കോര്‍ഡിംഗ് നടത്തുന്നതെന്നും ചതിയില്‍ വീഴരുതെന്നും ഷാന്‍ പറഞ്ഞു. ലാൽ ജോസ് സിനിമയ്ക്കു വേണ്ടി ഷനൊരുക്കിയ രണ്ട് പാട്ടുകള്‍ പാടാനെന്ന് പറഞ്ഞാണ് സന്ദേശം. ഒന്ന് ഹരിശങ്കറിനൊപ്പം ഒന്ന് വിനീത്തിനൊപ്പം. ഇവരുടെ പ്രധാന ലക്ഷ്യം വനിതാ ഗായകരാണ്.
“കുറച്ചു കാലമായി സംഭവിച്ചുകൊണ്ടിരിക്കുന്ന ഒരു വലിയ തട്ടിപ്പിലേക്ക് നിങ്ങളുടെ ശ്രദ്ധ ക്ഷണിക്കാൻ ഞാൻ ആഗ്രഹിക്കുന്നു. ഇതിനെ കുറിച്ച് ഞാൻ കുറച്ച് തവണ കേട്ടിട്ടുണ്ട്, പക്ഷേ ഇപ്പോൾ നേരിട്ട് കാണാനാകും. ചില ക്രിമിനൽസ് “എന്‍റെ” ഗാനങ്ങൾ ആലപിക്കാൻ വളർന്നുവരുന്ന ഗായകരെ വിളിച്ച് അവരുടെ നിഷ്കളങ്കതയും ഗായകനാകാനുള്ള ആഗ്രഹവും മുതലെടുക്കുകയാണ്. എന്നാൽ ഞാൻ ചിത്രത്തിൽ എവിടെയും ഇല്ല. ഏതോ എ‌ആർ അസോസിയേറ്റ്‌സിലെ അനൂപ് കൃഷ്ണൻ (മൊബൈൽ നമ്പർ 73063 77043) എന്ന വ്യക്തിയിൽ നിന്ന് എന്‍റെ ഒരു സുഹൃത്ത് സ്വീകരിച്ച സന്ദേശങ്ങളുടെ സ്ക്രീൻഷോട്ടുകള്‍ പങ്കു വെച്ചിരിക്കുന്നത്.” ഷാൻ കുറിച്ചു.
എന്‍റെ സ്വന്തം സ്റ്റുഡിയോയിൽ നിന്നാണ് ഞാൻ പാട്ടുകൾ റെക്കോർഡു ചെയ്യുന്നുവെന്ന് ദയവായി മനസിലാക്കുക. ഞാൻ സ്റ്റേഷന് പുറത്താണെങ്കിൽ, റെക്കോർഡിംഗുകൾ മിഥുൻ ജയരാജ്, ബിജു ജെയിംസ് അല്ലെങ്കിൽ ഹരിശങ്കർ എന്നിവരാണ്. എന്നാൽ കൂടുതലും, ഞാൻ തന്നെ ഗായകരെ റെക്കോർഡു ചെയ്യും. ഈ സന്ദേശം പങ്കിടുക. നന്ദി, ശ്രദ്ധിക്കുക. ഒത്തിരി സ്നേഹം, ഷാൻ കൂട്ടിച്ചേർത്തു.
