കല്യാണി പ്രിയദര്‍ശന്‍ കേന്ദ്ര കഥാപാത്രത്തിലെത്തുന്ന ‘ശേഷം മൈക്കില്‍ ഫാത്തിമ’ നവംബര്‍ മൂന്നിന് തിയേറ്ററുകളിലെത്തും. മനു സി കുമാര്‍ ആണ് ചിത്രം സംവിധാനം ചെയ്യുന്നത്. സുധീഷ്, ഷാജു ശ്രീധര്‍, മാല പാര്‍വതി, അനീഷി ജി മേനോന്‍ എന്നിവരാണ് ചിത്രത്തിലെ മറ്റു താരങ്ങള്‍. ദി റൂട്ട്, പാഷന്‍ സ്റ്റുഡിയോസ് എന്നിവയുടെ ബാനറില്‍ ജഗദീഷ് പളനിസ്വാമിയും സുധന്‍ സുന്ദരവും ചേര്‍ന്നാണ് ചിത്രം നിര്‍മ്മിക്കുന്നത്.
ഇന്ത്യന്‍ സിനിമാ ലോകത്തില്‍ കളക്ഷന്‍ റെക്കോര്‍ഡുകള്‍ സൃഷ്ടിച്ച് മുന്നേറുന്ന ഷാരൂഖ് ഖാന്റെ ജവാന്‍, വിജയുടെ ലിയോ എന്നീ ചിത്രങ്ങള്‍ക്ക് ശേഷം ഗോകുലം മൂവീസ് ആഗോള തലത്തില്‍ റിലീസ് ചെയ്യുന്ന മലയാള ചിത്രമായിരിക്കും ‘ശേഷം മൈക്കില്‍ ഫാത്തിമ’. കേരളത്തില്‍ ഗോകുലം മൂവീസിന്റെ ഡിസ്ട്രിബൂഷന്‍ പാര്‍ട്ട്നേഴ്‌സായ ഡ്രീം ബിഗ് ഫിലിംസാണ് ചിത്രം വിതരണം ചെയുന്നത്. ചിത്രത്തിന്റെ ടീസറും അനിരുദ്ധ് രവിചന്ദര്‍ ആലപിച്ച ഗാനവും പ്രേക്ഷകര്‍ക്കിടയില്‍ തരംഗമായി മാറിയിരുന്നു
എക്സിക്യൂട്ടീവ് പ്രൊഡ്യൂസര്‍: രഞ്ജിത് നായര്‍, ഛായാഗ്രഹണം: സന്താന കൃഷ്ണന്‍ രവിചന്ദ്രന്‍, സംഗീത സംവിധാനം: ഹിഷാം അബ്ദുല്‍ വഹാബ്, എഡിറ്റര്‍ : കിരണ്‍ ദാസ്, ആര്‍ട്ട്: നിമേഷ് താനൂര്‍, കോസ്റ്റ്യൂം: ധന്യാ ബാലകൃഷ്ണന്‍, മേക്ക് അപ്പ്: റോണെക്സ് സേവിയര്‍, ചീഫ് അസ്സോസിയേറ്റ്: സുകു ദാമോദര്‍.
