തിരുവനന്തപുരം: മലയാളം സീരിയല്-സിനിമ നടി രജ്ഞുഷ മേനോനെ ഫ്ലാറ്റില് തൂങ്ങിമരിച്ച നിലയില് കണ്ടെത്തി.
മുപ്പത്തി അഞ്ച് വയസായിരുന്നു. ശ്രീകാര്യം കരിയത്തെ ഫ്ലാറ്റില് തൂങ്ങിമരിച്ച നിലയില് കണ്ടെത്തുക ആയിരുന്നു. ഭര്ത്താവുമൊത്ത് ഫ്ലാറ്റില് വാടകയ്ക്ക് താമസിച്ചു വരികയായിരുന്നു.ശ്രീകാര്യത്തെ നടിയുടെ ഫ്ലാറ്റില് ഇന്ക്വസ്റ്റ് നടപടികള് തുടരുകയാണ്.
മരണകാരണം എന്താണെന്നത് സംബന്ധിച്ച് വ്യക്തത വന്നിട്ടില്ല. കഴിഞ്ഞ ഏതാനും വര്ഷങ്ങളായി ശ്രീകാര്യത്തെ ഫ്ലാറ്റില് താമസിച്ചു വരികയായിരുന്നു രജ്ഞുഷയും ഭര്ത്താവും.
മലയാള ടെലിവിഷന് സീരിയലുകളില് നിന്നും സിനിമയിലെത്തിയ നടിയാണ് രഞ്ജുഷ മേനോന്. മുപ്പതോളം സീരിയലുകളില് അവര് വേഷമിട്ടിരിന്നു.
തലപ്പാവ്, ബോംബെ മാര്ച്ച് 12, ലിസമ്മയുടെ വീട്, വണ്വേ ടിക്കറ്റ്, ക്ലാസ്മേറ്റ്സ്, മേരിക്കുണ്ടൊരു കുഞ്ഞാട് തുടങ്ങി നിരവധി സിനിമകളിലും രഞ്ജുഷ വേഷമിട്ടു. നല്ലൊരു നര്ത്തകി കൂടിയായ രഞ്ജുഷ ഇംഗ്ലീഷ് പോസ്റ്റ് ഗ്രാജുവേഷന് കഴിഞ്ഞ ശേഷം ഭരതനാട്യത്തില് ഡിഗ്രിയും എടുത്തിട്ടുണ്ട്.