വാഷിംഗ്ടൺ : നികുതി നിയമത്തിൽ പുതിയ മാറ്റം വരുത്തി അമേരിക്ക. മൂന്ന് ദശാബ്ദങ്ങൾക്ക് ശേഷമാണ് അമേരിക്കയിൽ നികുതി നിയമത്തിൽ മാറ്റമുണ്ടാകുന്നത്.
നിയമത്തിൽ മാറ്റങ്ങൾ വരുത്തുന്നതിനുള്ള ബില്ലിന് സെനറ്റ് അംഗീകാരം നൽകി.
ഡൊണാൾഡ് ട്രംപ് അമേരിക്കൻ പ്രസിഡൻറായി ചുമതലയേറ്റെടുത്തതിന് ശേഷം അംഗീകരിക്കപ്പെടുന്ന സുപ്രധാന ബില്ലാണിത്.
51 അംഗങ്ങളുള്ള സെനറ്റിൽ 49 പേരും പുതിയ നിയമത്തിന് പിന്തുണ നൽകി . റിപബ്ലിക്കൻ പാർട്ടിയിലെ ബോബ് ക്രോക്കർ മാത്രമാണ് എതിരായി വോട്ട് ചെയ്തത്.
അമേരിക്കയിലെ കോർപ്പറേഷനുകൾക്കും ധനികർക്കും ഗുണകരമാവുന്നതാണ് പുതിയ നിയമം.അമേരിക്കയുടെ മഹത്തായ ദിനമാണ് ഇതെന്ന് സെനറ്റംഗം മിച്ച് മക്കോണിൽ പറഞ്ഞു.
ക്രിസ്തുമസിന് മുമ്പ് തന്നെ ഡൊണാൾഡ് ട്രംപ് ബില്ലിൽ ഒപ്പുവെക്കുകയും , പുതിയ പരിഷ്ക്കാരം നിയമമായി മാറുകയും ചെയ്യുമെന്നാണ് പ്രതീക്ഷയെന്നും അദ്ദേഹം സൂചിപ്പിച്ചു.
1986ന് ശേഷം അമേരിക്കയിലെ നികുതി നിയമത്തിൽ മാറ്റമുണ്ടാവുന്നത് 2017 ലാണ് .