സെക്കണ്ട് ജനറേഷന്‍ എംഐ എഐ സ്മാര്‍ട്ട് സ്പീക്കര്‍ ചൈനയില്‍ അവതരിപ്പിച്ചു. എംഐ എഐ സ്മാര്‍ട്ട് സ്പീക്കര്‍ (സെക്കണ്ട് ജനറേഷന്‍) ഡെയ്സി-ചെയിനിംഗിനെ സപ്പോര്‍ട്ട് ചെയ്യുന്നു. ഇത് രണ്ട് എംഐ എഐ സ്മാര്‍ട്ട് സ്പീക്കര്‍ മോഡലുകള്‍ ഒരുമിച്ച് ജോടിയാക്കാന്‍ അനുവദിക്കുന്നു. പുതിയ എംഐ സ്പീക്കറിന് ഫിസിക്കല്‍ കണ്‍ട്രോളുകളുണ്ട്. അതിന്റെ മുന്‍ഗാമിയുടേതിന് സമാനമായ ബോക്‌സി, ടവര്‍ പോലുള്ള ആകൃതിയാണ് വരുന്നത്. സിംഗിള്‍ കളര്‍ ഓപ്ഷനിലാണ് ഈ സ്മാര്‍ട്ട് സ്പീക്കര്‍ വിപണിയില്‍ വരുന്നത്.
എംഐ എഐ സ്മാര്‍ട്ട് സ്പീക്കറിന്റെ (സെക്കണ്ട് ജനറേഷന്‍) വില സിഎന്‍വൈ 199 (ഏകദേശം 2,300 രൂപ) ആണ്. ഏപ്രില്‍ 16 മുതല്‍ ചൈനയില്‍ ഷിപ്പിംഗ് എംഐ എഐ സ്മാര്‍ട്ട് സ്പീക്കറിന്റെ ഷിപ്പിംഗ് ആരംഭിക്കും. ഒരൊറ്റ വെള്ള നിറത്തിലാണ് ഈ സ്മാര്‍ട്ട് സ്പീക്കര്‍ വിപണിയില്‍ വരുന്നത്. നിലവില്‍, എംഐ എഐ സ്മാര്‍ട്ട് സ്പീക്കര്‍ (സെക്കന്റ് ജനറേഷന്‍) ഇന്ത്യയുടെ ലഭ്യതയെക്കുറിച്ച് ഷവോമി ഇതുവരെ ഒരു വിവരവും വ്യക്തമാക്കിയിട്ടില്ല.
എംഐ എഐ സ്മാര്‍ട്ട് സ്പീക്കറില്‍ (സെക്കണ്ട് ജനറേഷന്‍) ഒരു മൈക്ക് മ്യൂട്ട് ബട്ടണ്‍, ട്രാക്കുകള്‍ മാറ്റാന്‍ രണ്ട് ബട്ടണുകള്‍, മ്യൂസിക് പ്ലേ / താല്‍ക്കാലികമായി നിര്‍ത്തുന്നതിന് ഒരു ബട്ടണ്‍ എന്നിവ ഉള്‍പ്പെടെ നാല് ബട്ടണുകളുണ്ട്. വോളിയം ക്രമീകരിക്കുന്നതിനായി നിങ്ങളുടെ വിരല്‍ സ്ലൈഡു ചെയ്യാന്‍ ബട്ടണിന് ചുറ്റും ഒരു റിങ് ഉണ്ട്. വൈവിധ്യമാര്‍ന്ന സ്മാര്‍ട്ട് ഡിവൈസുകള്‍ ഉള്‍പ്പെടുന്ന ഷവോമിയുടെ ഐഒടി പ്ലാറ്റ്ഫോമിനെ സപ്പോര്‍ട്ട് ചെയ്യുന്നതാണ് എംഐ എഐ സ്മാര്‍ട്ട് സ്പീക്കര്‍ (സെക്കണ്ട് ജനറേഷന്‍).
കൂടാതെ, ഒരു സ്റ്റീരിയോ മ്യൂസിക് ലിസണിംഗ് അനുഭവം ലഭിക്കുന്നതിന് ഈ രണ്ട് സ്പീക്കറുകള്‍ ഒരുമിച്ച് ജോടിയാക്കാം. മിജിയ ആപ്ലിക്കേഷനും വോയ്സ് റെക്കഗ്‌നിഷനുമായി എംഐ എഐ സ്മാര്‍ട്ട് സ്പീക്കറിന് (സെക്കണ്ട് ജനറേഷന്‍) വണ്‍-ടച്ച് കണക്റ്റിവിറ്റി ഉണ്ട്.
