ഇടുക്കി: ഇടുക്കി രാജമലയിലെ മണ്ണിടിച്ചിലില് കാണാതായവര്ക്കായുള്ള തിരച്ചില് ഇന്നും തുടരും. പൊലീസ് ഡോഗ് സ്ക്വാഡിനെ ഉപയോഗിച്ചാകും ഇന്ന് പ്രധാനമായും തിരച്ചില് നടത്തുക. തൃശ്ശൂരില് നിന്ന് ബല്ജിയന് മലിനോയിസ്, ലാബ്രഡോര് എന്നീ ഇനത്തില് പെട്ട നായ്ക്കളെ ഇതിനായി ഇടുക്കിയിലേക്ക് അയച്ചിരിക്കുകയാണ്.
26 പേരുടെ മൃതദേഹങ്ങളാണ് ഇതുവരെ പെട്ടിമുടിയിലെ ദുരന്തസ്ഥലത്ത് നിന്നും കണ്ടെത്തിയത്. ആകെ 78 പേരാണ് മണ്ണിടിച്ചലില് അകപ്പെട്ടത്. വെള്ളിയാഴ്ച്ച പതിനഞ്ച് മൃതദേഹങ്ങള് കണ്ടെത്തിയിരുന്നു. ശനിയാഴ്ച്ച പതിനൊന്ന് പേരുടെ കൂടി മൃതദേഹങ്ങള് പെട്ടിമുടിയിലെ ദുരന്തസ്ഥലത്ത് നിന്നും കണ്ടെത്തി. ഇതില് മൂന്ന് പേരുടെ മൃതദേഹങ്ങള് തിരിച്ചറിഞ്ഞിട്ടില്ല. മരിച്ചവരുടെ പോസ്റ്റുമോര്ട്ടം നടപടികള് പൂര്ത്തിയായിട്ടുണ്ട്. മൃതദേഹങ്ങള് നേമക്കാട് തന്നെ സംസ്കരിക്കാനുള്ള നടപടികളും ആരംഭിച്ചിട്ടുണ്ട്.