ബഹ്റൈന്: സൗദി അറേബ്യയിൽ നിന്നുള്ള യാത്രക്കാരെ സ്വീകരിക്കുന്നതിനായി ബഹ്റൈനിലെ കിങ് ഫഹദ് കോസ് വേയിൽ ഒരുക്കങ്ങള് പൂര്ത്തിയായി. ഇന്ന് മുതല് സൗദി അറേബ്യ അന്താരാഷ്ട്ര അതിർത്തികൾ തുറക്കുന്നതോടെ സൗദിയില് നിന്നും ബഹ്റൈനിലേക്ക് എത്തുന്ന യാത്രക്കാർ സ്വീകരിക്കേണ്ട മുൻകരുതലുകൾ സംബന്ധിച്ച് കര്ശന നിര്ദ്ദേശങ്ങള് കോസ് വേ അതോറിറ്റി പുറത്തിറക്കി.
പൗരന്മാരുടെയും പ്രവാസികളുടെയും ആരോഗ്യം സംരക്ഷിക്കുന്നതിന് ബഹ്റൈനും സൗദിയും പുലർത്തുന്ന ജാഗ്രത എല്ലാവരും പിന്തുടരണമെന്ന് കിങ് ഫഹദ് കോസ് വേ അതോറിറ്റി അറിയിച്ചു.
ഇരു രാജ്യങ്ങളും തമ്മിലുള്ള യാത്രാ വിലക്ക് പിൻവലിക്കുന്നതിലൂടെ സാമ്പത്തിക മേഖലയില് വിലിയ ഉണര്വ് ഉണ്ടായിരിക്കും. യാത്രക്കാര് ഇരു രാജ്യങ്ങളിലേയും മന്ത്രാലയങ്ങള് പുറപ്പെടുവിക്കുന്ന നിര്ദ്ദേശങ്ങള് കര്ശനമായി പാലിക്കണം എന്ന് അധികൃതര് പറയുന്നു.