റിയാദ്: ലോകത്തിലെ തന്നെ ഏറ്റവും വലിയ കെമിക്കല്‍ ഫാക്ടറി നിർമ്മിക്കുന്നതിന് കരാറില്‍ ഒപ്പുവെച്ചു സൗദി അറേബ്യ.
സൗദി അരാംകോയും സൗദി ബേസിക് ഇന്‍ഡസ്ട്രീസ് കോര്‍പറേഷനുമാണ് കരാര്‍ ഒപ്പുവെച്ചത്.
എണ്ണയിതര വരുമാനം വര്‍ധിപ്പിക്കുന്നതിന്റെ ഭാഗമായിട്ടാണ് പുതിയ കെമിക്കല്‍ ഫാക്ടറി ഉള്‍പ്പെട്ട ഇന്‍ഡസ്ട്രിയല്‍ കോംപ്ലക്‌സ് നിര്‍മ്മിക്കുക.
2000 കോടി ഡോളര്‍ ചെലവഴിച്ചാണ് ഇന്‍ഡസ്ട്രിയല്‍ കോംപ്ലക്‌സ് നിര്‍മിക്കുന്നത്.
ക്രൂഡ് ഓയിലിന്റെ ഉല്‍പ്പന്നങ്ങളും വിവിധ കെമിക്കല്‍ ഉല്‍പ്പന്നങ്ങളും വന്‍തോതില്‍ ഇവിടെ ഉല്‍പ്പാദിപ്പിക്കും.
അത്യാധുനിക സാങ്കേതിക വിദ്യ ഉപയോഗിച്ചായിരിക്കും ഫാക്ടറി പ്രവര്‍ത്തിക്കുകയെന്ന് അരാംകോ സി ഇ ഒ അമീന്‍ നാസര്‍ അറിയിച്ചു.
