റിയാദ്: കൊവിഡ് മൂലം സൗദി യാത്രാ നിരോധനം ഏര്പ്പെടുത്തിയ രാജ്യങ്ങളുടെ പട്ടികയില് നിന്ന് മൂന്ന് രാജ്യങ്ങളെ ഒഴിവാക്കി. യുഎഇ, അര്ജന്റീന, ദക്ഷിണാഫ്രിക്ക എന്നീ രാജ്യങ്ങളില് നിന്നുള്ളവര് സൗദിയില് പ്രവേശിക്കുന്നതിന് ഏര്പ്പെടുത്തിയ വിലക്ക് പൂര്ണമായി നീക്കാന് തീരുമാനിച്ചതായി സൗദി ആഭ്യന്തര മന്ത്രാലയം അറിയിച്ചു.
യു.എ.ഇയിലും അര്ജന്റീനയിലും ദക്ഷിണാഫ്രിക്കയിലും കൊറോണ വ്യാപനം നിയന്ത്രണ വിധേയമായതായി അറിയിച്ച് ആരോഗ്യ വകുപ്പ് സമര്പ്പിച്ച റിപ്പോര്ട്ടിന്റെ അടിസ്ഥാനത്തിലാണ് ഈ മൂന്നു രാജ്യങ്ങളില് നിന്നമുള്ളവര്ക്ക് നേരത്തെ ഏര്പ്പെടുത്തിയ പ്രവേശന വിലക്ക് എടുത്തുകളയാന് തീരുമാനിച്ചതെന്ന് ആഭ്യന്തര മന്ത്രാലയ വൃത്തങ്ങള് പറഞ്ഞു.
ഈ മൂന്നു രാജ്യങ്ങളില് നിന്നുമുള്ളവര്ക്ക് ബുധനാഴ്ച്ച രാവിലെ 11 മണി മുതല് കര അതിര്ത്തി പോസ്റ്റുകളും തുറമുഖങ്ങളും എയര്പോര്ട്ടുകളും വഴി സൗദിയില് പ്രവേശിക്കാവുന്നതാണ്. ഈ മൂന്നു രാജ്യങ്ങളിലേക്കും യാത്ര പോകുന്നതിന് സൗദി പൗരന്മാര്ക്ക് അനുമതി നല്കിയിട്ടുമുണ്ട്.