തിരുവനന്തപുരം: ഫോണ്‍ കെണി വിവാദത്തില്‍ രാജിവെച്ച എ.കെ.ശശീന്ദ്രന്റെ മന്ത്രിസഭാ പുനഃപ്രവേശനം സി.പി.എം സംസ്ഥാന സെക്രട്ടേറിയേറ്റ് ഇന്ന് ചര്‍ച്ച ചെയ്യും.
കോടിയേരി ബാലകൃഷ്ണനും കാനം രാജേന്ദ്രനും അനുകൂല നിലപാടെടുത്തതോടെ ശശീന്ദ്രന് മന്ത്രിപദത്തിലെത്താന്‍ തടസങ്ങളുണ്ടാവില്ലെന്നാണ് സൂചന.
ഫോണ്‍ കെണികേസിലെ പരാതിക്കാരി നല്‍കിയ ഹര്‍ജിയില്‍ ഇന്ന് ഹൈക്കോടതിയെടുക്കുന്ന തീരുമാനവും മന്ത്രിസ്ഥാനലബ്ദിയില്‍ നിര്‍ണായകമാകും.
കാര്യങ്ങള്‍ അനുകൂലമായാല്‍ അടുത്ത ആഴ്ച തന്നെ എ.കെ.ശശീന്ദ്രന് മന്ത്രിയായി സത്യപ്രതിജ്ഞ ചെയ്യുമെന്നാണ് എന്‍.സി.പി കേന്ദ്രങ്ങള്‍ പറയുന്നത്.
നേരത്തെ, സി.പി.എമ്മിന്റേയും സി.പി.ഐയുടേയും നേതാക്കളെ നേരില്‍ക്കണ്ട് സംസ്ഥാന അധ്യക്ഷന്‍ ടി.പി.പീതാംബരന്‍ പിന്തുണ ഉറപ്പുവരുത്തിയിരുന്നു.
