സന്തോഷ് ട്രോഫിയില് ഇന്ന് നടന്ന ആദ്യ സെമി ഫൈനലില് ഗോവയെ പരാജയപ്പെടുത്തി ആതിഥേയരായ പഞ്ചാബ് ഫൈനലില്. ഒന്നിനെതിരെ രണ്ടു ഗോളുകള്ക്കാണ് പഞ്ചാബ് ഗോവയെ പരാജയപ്പെടുത്തിയത്.
പഞ്ചാബിന് വിജയം നേടികൊടുത്തത് ഇഞ്ച്വറി ടൈം ഗോളാണ്. ജസ്പ്രീത് സിംഗിലൂടെ മത്സരത്തിന്റെ 12-ാം മിനിറ്റില് പഞ്ചാബ് ലീഡ് ചെയ്തിരുന്നു. ആ ലീഡ് 89-ാം മിനിറ്റ് വരെ നിലനിര്ത്താന് പഞ്ചാബിന് സാധിച്ചു.
എന്നാല് മത്സരത്തിന്റെ 89-ാം മിനിറ്റില് പഞ്ചാബിനെ ഞെട്ടിച്ചു കൊണ്ട് റൊണാള്ഡോ ഒലിവേര ഗോള് നേടുകയായിരുന്നു. എന്നാല് 92-ാം മിനിറ്റില് ഹര്ജീന്ദര് പഞ്ചാബിനായി ഗോള് നേടി. പഞ്ചാബിന്റെ 16-ാം സന്തോഷ് ട്രോഫി ഫൈനല് ആണ് ഇത്.
ഇന്ന് വൈകുന്നേരം നടക്കുന്ന രണ്ടാം സെമിയില് സര്വീസസും കര്ണാടകയും ഏറ്റുമുട്ടും.