തിരുവനന്തപുരം: ഡബ്ബിങ് ആര്ട്ടിസ്റ്റ് ഭാഗ്യലക്ഷ്മിയുടെ പരാതിയില് സംവിധായകന് ശാന്തിവിള ദിനേശിനെ സൈബര് പൊലീസ് അറസ്റ്റ് ചെയ്തു. അപകീർത്തിപെടുത്തി പരാമർശം നടത്തിയ വീഡിയോ യുട്യൂബില് അപ്ലോഡ് ചെയ്തെന്ന പരാതിയുടെ അടിസ്ഥാനത്തിലാണ് പോലീസ് നടപടി. ഇതുസംബന്ധിച്ച് മുഖ്യമന്ത്രിക്കും ഡിജിപിക്കും ഭാഗ്യലക്ഷ്മി പരാതി നല്കിയിരുന്നു. ഭാഗ്യലക്ഷ്മിയുടെ രണ്ടാം പരാതിയിലാണ് അറസ്റ്റ്.
നേരത്തെയും ശാന്തിവിള ദിനേശിനെതിരെ ഭാഗ്യലക്ഷ്മി പരാതി നൽകുകയും മ്യൂസിയം പൊലീസ് കേസെടുക്കുകയും ചെയ്തിരുന്നു. ഈ കേസിൽ ശാന്തിവിള ദിനേശ് കോടതിയിൽ പോയി മുൻകൂർ ജാമ്യം നേടുകയായിരുന്നു. ഭാഗ്യലക്ഷ്മിയുടെ മൊഴിയെടുത്ത പൊലീസ് ശാന്തിവിള ദിനേശിനെ വിളിച്ചുവരുത്തി താക്കീത് നല്കിയിരുന്നു. തന്റെ സ്വകാര്യ ജീവിതത്തെ അപമാനിക്കുന്ന പരാമര്ശങ്ങള് ദിനേശ് സമൂഹമാധ്യമങ്ങളില് നടത്തിയെന്നായിരുന്നു ഭാഗ്യലക്ഷ്മിയുടെ പരാതി. തുടര്ന്ന് വിഡിയോ നീക്കം ചെയ്തിരുന്നു.
