ഇന്ത്യൻ ടീമിൽ ഇടം നേടി മലയാളി താരം സഞ്ജു സാംസൺ. നവംബർ 26 മുതൽ ആരംഭിക്കുന്ന ആസ്ട്രേലിയൻ പര്യടനത്തിനുള്ള ഇന്ത്യൻ ടീമിലാണ് മലയാളി താരം സഞ്ജു സാംസൺ ഇടംപിടിച്ചത്. ബി.സി.സി.ഐയാണ് ടീമിനെ പ്രഖ്യാപിച്ചത്.ഐ.പി.എല്ലിലെ മികച്ച പ്രകടനത്തിന്റെ മികവിൽ വരുൺ ചക്രവർത്തി, ദീപക് ചഹാർ, മായങ്ക് അഗർവാൾ തുടങ്ങിയവർ ടിമിലിടം പിടിച്ചു.
നവദീപ് സൈനി മൂന്ന് ഫോർമാറ്റുകളിലും ഇടം പിടിച്ചപ്പോൾ മുഹമ്മദ് സിറാജ് ടെസ്റ്റ് ടീമിലുൾപ്പെട്ടു. ട്വന്റി ട്വന്റി ടീമിലേക്ക് സഞ്ജുവിനെ നേരത്തെ തിരഞ്ഞെടുത്തിരുന്നു. ഏതായാലും മലയാളികൾക്ക് അഭിമാനിക്കാവുന്ന മറ്റൊരു നേട്ടം കൂടി സഞ്ജു സ്വന്തമാക്കിയിരിക്കുകയാണ്.രോഹിത് ശർമയുടെ അഭാവത്തിൽ കെ.എൽ രാഹുലാണ് വൈസ് ക്യാപ്റ്റൻ. പരിക്കേറ്റ ഭുവനേശ്വർ കുമാറും ഇശാന്ത് ശർമയും ടീമിലിടം പിടിച്ചില്ല.