രാജ്യത്ത് ജനസംഖ്യ നിയന്ത്രണത്തിനായി കര്ശന നിയമങ്ങള് വരേണ്ടതുണ്ടെന്നും മൂന്ന് കുട്ടികള് ഉള്ളവരെ ജയിലില് അടക്കണമെന്നുമുള്ള നടി കങ്കണ റണൗട്ടിന്റെ പരാമര്ശം ചർച്ചകൾക്ക് വഴിവച്ചിരിക്കുകയാണ്. നിരവധി പേരാണ് കങ്കണയെ അനുകൂലിച്ചും പ്രതികൂലിച്ചും കൊണ്ട് രംഗത്തെത്തുന്നത്. ഇപ്പോഴിതാ കങ്കണയുടെ വീട്ടില് മൂന്ന് കുട്ടികളാണെന്ന കാര്യമാണ് കോമഡി താരം സലോനി ഗൗര് ചൂണ്ടിക്കാട്ടുന്നത്.
സലോനിയുടെ ട്വീറ്റിന് ഉടന് തന്നെ കങ്കണ മറുപടിയും നല്കി. സനോലി ഈ ട്വീറ്റിലൂടെ സ്വയം പരിഹസിക്കപ്പെടുകയാണെന്നായിരുന്നു നടിയുടെ മറുപടി.
“എന്റെ മുത്തച്ഛന് അക്കാലത്ത് 8 സഹോദരങ്ങള് ഉണ്ടായിരുന്നു, അന്ന് നിരവധി കുട്ടികള് മരിക്കാറുണ്ടായിരുന്നു, കാടുകളില് കൂടുതല് മനുഷ്യരേക്കാൾ കൂടുതൽ മൃഗങ്ങളായിരുന്നു. മാറുന്ന കാലത്തിനനുസരിച്ച് നമ്മള് മാറണം, സമയത്തിന്റെ ആവശ്യകത ജനസംഖ്യാ നിയന്ത്രണമാണ്. ചൈനയെപ്പോലെ ഞങ്ങള്ക്ക് ശക്തമായ നിയമങ്ങള് ഉണ്ടായിരിക്കണം.” കങ്കണ മറുപടി നൽകി.