സല്മാന് ഖാന് നായകനാകുന്ന ദബാംഗ് 3 സംവിധാനം ചെയ്യുന്നത് പ്രഭുദേവ.
സല്മാന്റെ സഹോദരന് അര്ബാസ് ഖാനാണ് ഇക്കാര്യം വെളിപ്പെടുത്തിയിരിക്കുന്നത്.
2009ല് പുറത്തിറങ്ങിയ സല്മാന് ചിത്രം വാണ്ടഡ് സംവിധാനം ചെയ്തത് പ്രഭുദേവയാണ്. ഇത് ഹിറ്റില് ഇടംപിടിക്കുകയും ചെയ്തിരുന്നു.
ദബാംഗിന്റെ ആദ്യ രണ്ട് ഭാഗങ്ങളും സൂപ്പര്ഹിറ്റായിരുന്നു.
ദബാംഗ് 2 സംവിധാനം ചെയ്ത അര്ബാസ് ഖാന് തന്നെ മൂന്നാം ഭാഗവുമൊരുക്കും എന്നായിരുന്നു റിപ്പോര്ട്ടുകള് എത്തിയിരുന്നത്.
എന്നാല് മറ്റ് പ്രോജക്ടുകളുടെ തിരക്കിലായതിനാല് ചിത്രത്തിന്റെ സംവിധാന ചുമതല പ്രഭുദേവയെ ഏല്പിക്കുകയായിരുന്നുവെന്നും, കഴിഞ്ഞ ആഴ്ച പ്രഭുദേവയുമായി കൂടിക്കാഴ്ച നടത്തിയെന്നും അര്ബാസ് പറഞ്ഞു.