ഇന്ത്യന് ആകാശങ്ങളില് സുരക്ഷ ഒരുക്കുന്നത് രാജ്യം തദ്ദേശീയമായി നിര്മ്മിച്ച ലൈറ്റ് കോംബാറ്റ് ഹെലികോപ്റ്ററുകളായ ‘പ്രചണ്ഡ്’ ആണ്. 2022 ഒക്ടോബറില് ജോധ്പൂരില് വെച്ച് നടന്ന ചടങ്ങില് പ്രതിരോധ മന്ത്രി രാജ്നാഥ് സിംഗാണ് ഹെലികോപ്റ്ററുകള് വ്യോമസേനയ്ക്ക് കൈമാറിയത്. ഓക്ടോബര് മൂന്നിനാണ് ഈ ചോപ്പര് വിമാനം ഇന്ത്യന് വ്യോമസേനയുടെ ഭാഗമായത്. എന്നാലിപ്പോള് ഇന്ത്യന് വ്യോമസേനയും, കരസേനയും പ്രതിരോധ മന്ത്രാലയത്തില് നിന്ന് 156 തദ്ദേശീയ ലൈറ്റ് കോംബാറ്റ് ഹെലികോപ്റ്ററുകള് കൂടി ആവശ്യപ്പെട്ടിട്ടുണ്ടെന്നാണ് പുതിയ റിപ്പോര്ട്ടുകള്. സേനകളുടെ ആവശ്യത്തിന് മന്ത്രാലയം ഉടന് പരിഗണിക്കുമെന്നാണ് പ്രതീക്ഷ. തദ്ദേശീയമായി നിര്മ്മിച്ച 156 ഹെലികോപ്റ്ററുകളില് 66 എണ്ണം വ്യോമസേനയിലും, 90 പ്രചണ്ഡ ഹെലികോപ്റ്ററുകള് ഇന്ത്യന് സൈന്യത്തിന് വേണ്ടിയും പറക്കും.
ഹിന്ദുസ്ഥാന് എയറോനോട്ടിക്സ് ലിമിറ്റഡാണ് (എച്ച്എഎല്) പ്രചണ്ഡ ഹെലികോപ്റ്ററുകള് നിര്മ്മിക്കുന്നത്. 10 എണ്ണം വ്യോമസേനയ്ക്കും, 5 എണ്ണം കരസേനയ്ക്കുമായി ഇരു സൈന്യങ്ങള്ക്കും കൂടി നിലവില് 15 ഹെലികോപ്റ്ററുകള് ഉണ്ട്. ഇവരെ ചൈനയുടെയും, പാക്കിസ്ഥാന്റെയും അതിര്ത്തിയില് വിന്യസിച്ചിരിക്കുകയാണ്. ഇതുകൂടാതെ, എത്തുന്ന പുതിയ ഹെലികോപ്റ്ററുകള് ചൈനയുടെയും പാക്കിസ്ഥാന്റെയും എതിരായ തന്ത്രപ്രധാന കേന്ദ്രങ്ങളിലും വിന്യസിക്കും. ഈ ഹെലികോപ്റ്ററുകള് ഉപയോഗിച്ച് വ്യോമസേന സൈനികാഭ്യാസവും നടത്തിയിരുന്നു. ആദ്യ സ്ക്വാഡ്രണ് പാകിസ്ഥാന് അതിര്ത്തിക്ക് സമീപം വിന്യസിച്ചിട്ടുണ്ട്. ഇക്കാരണത്താല് പാകിസ്ഥാന് അതിര്ത്തിയില് നിരീക്ഷണം മെച്ചപ്പെട്ടതും സുരക്ഷിതവുമാണ്. തീവ്രവാദികളെയും നുഴഞ്ഞുകയറ്റക്കാരെയും നിയന്ത്രിക്കാനും ഇത് സഹായിക്കുന്നു.
ഇന്ത്യ തദ്ദേശീയമായി നിര്മിച്ച ലൈറ്റ് കോംബാറ്റ് ഹെലികോപ്റ്റര് (എല്സിഎച്ച്) ‘പ്രചണ്ഡ്’ പൊതുമേഖലാസ്ഥാപനമായ ഹിന്ദുസ്ഥാന് എയ്റോനോട്ടിക്സ് ലിമിറ്റഡാണ് ഈ ഹെലികോപ്റ്ററുകള് നിര്മിച്ചിരിക്കുന്നത്. ഈ കോപ്റ്ററുകളുടെ നിര്മാണത്തിനായി ഉപയോഗിച്ച സാമഗ്രികളില് 45 ശതമാനവും തദ്ദേശീയമാണെന്ന് പ്രതിരോധമന്ത്രാലയം വ്യക്തമാക്കുന്നു. പ്രചണ്ഡ ഹെലികോപ്റ്ററുകള് കോംബാറ്റ് സെര്ച്ച് ആന്ഡ് റെസ്ക്യൂ (CSAR), ശത്രുവായ എയര് ഡിഫന്സ് (DEAD), കൗണ്ടര് ഇന്സര്ജന്സി (CI) പ്രവര്ത്തനങ്ങള്, റിമോട്ട് പൈലറ്റഡ് എയര്ക്രാഫ്റ്റുകളെ വെടിവെച്ച് വീഴ്ത്തല്, ഉയര്ന്ന ഉയരത്തിലുള്ള ബങ്കര് തകര്ക്കല് പ്രവര്ത്തനങ്ങള് എന്നിവയ്ക്ക് സഹായകമാകും.
ഉയര്ന്ന പര്വതമേഖലകളായ ലഡാക്ക് ഉള്പ്പെടെയുള്ള പ്രദേശങ്ങളില് വിന്യസിക്കാന് ശേഷിയുള്ളതാണ് പ്രചണ്ഡ്. തിരച്ചില്, രക്ഷാദൗത്യങ്ങള്, അതിര്ത്തികടന്നുള്ള ആക്രമണങ്ങള് എന്നിവയ്ക്ക് ‘പ്രചണ്ഡ്’ വിന്യസിക്കാം. ഉയരമുള്ള പ്രദേശങ്ങളില് ശത്രുക്കള്ക്കെതിരെ പോരാടാനും, ടാങ്കുകള്, ബങ്കറുകള്, ഡ്രോണുകള്, എന്നിവയെ ആക്രമിക്കാന് ഈ കോംബാറ്റ് ഹെലികോപ്റ്റര് സഹായിക്കും. സിയാച്ചിനില് പ്രവര്ത്തിക്കാന് കഴിയുന്ന ആദ്യത്തെ ആക്രമണ ഹെലകോപ്റ്ററാണിത്. 15.80 മീറ്റര് നീളവും 4.70 മീറ്റര് ഉയരവുമുള്ള കോപ്റ്ററുകള്ക്ക് മണിക്കൂറില് പരമാവധി 268 കിലോമീറ്റര് വേഗത്തില് പറക്കാം. 550 കിലോമീറ്ററാണ് പ്രവര്ത്തനദൂരപരിധി. 110 ഡിഗ്രി കറങ്ങി വെടിവെക്കാന് കഴിയുന്ന 20 എംഎം ടററ്റ് തോക്കുകള്, നാഗ് ടാങ്ക് വേധ മിസൈല്, മിസ്ട്രാല് വിമാനവേധ മിസൈലുകള്, യന്ത്രപീരങ്കി എന്നിവയാണ് കോപ്റ്ററിലുള്ള ആയുധങ്ങള്. 16400 അടി ഉയരത്തില് ആയുധങ്ങളും ഇന്ധനവുമായി പറക്കാന് ഈ ഹെലികോപ്റ്ററിനാകും.
എല്സിഎച്ചിന്റെ ആദ്യ സ്ക്വാഡ്രണ് നേരത്തെ ബെംഗളൂരുവില് രൂപീകരിച്ചിരുന്നു. എല്എസിക്ക് സമീപം ചൈനയുടെ പ്രവര്ത്തനങ്ങള് നിര്ത്താന് ഇത് സഹായിക്കും. ഈ ഹെലികോപ്റ്ററുകള് ഏഴ് വ്യത്യസ്ത മലയോര മേഖലകളില് ഏഴ് യൂണിറ്റുകളായി വിന്യസിക്കും. എല്സിഎച്ചില് രണ്ടുപേര്ക്ക് ഇരിക്കാം. 51.10 അടി നീളവും 15.5 അടി ഉയരവുമുണ്ട്.
പൂര്ണ്ണമായ ഉപകരണങ്ങളുള്ള അതിന്റെ ഭാരം 5800 കിലോഗ്രാം ആണ്. 700 കിലോഗ്രാം ആയുധങ്ങള് ഇതില് കയറ്റാം. മണിക്കൂറില് 268 കിലോമീറ്ററാണ് പരമാവധി വേഗത. 550 കിലോമീറ്ററാണ് റേഞ്ച്. മൂന്ന് മണിക്കൂറും 10 മിനിറ്റും തുടര്ച്ചയായി പറക്കാനുള്ള കഴിവുണ്ട്. ആവശ്യത്തിന് ആയുധങ്ങളും അവശ്യവസ്തുക്കളുമായി 16,400 അടി ഉയരത്തില് പറന്നുയരാനും പ്രചണ്ഡിന് കഴിയും. എല്സിഎച്ചില് 20 എംഎം പീരങ്കിയുണ്ട്. നാല് ഹാര്ഡ് പോയിന്റുകള് ഉണ്ട്- അതായത് റോക്കറ്റുകള്, മിസൈലുകള്, ബോംബുകള് എന്നിവ വിന്യസിക്കാനാകും. ഈ ഹെലികോപ്റ്ററിന്റെ കോക്ക്പിറ്റ് ഗ്ലാസ് കൊണ്ടാണ് നിര്മ്മിച്ചിരിക്കുന്നത്. ഭാവിയില് അതിന്റെ പതിപ്പ് കൂടുതല് നവീകരിക്കപ്പെടും.
ധ്രുവ് ഹെലികോപ്റ്ററുകള് വികസിപ്പിച്ചാണ് എല്സിഎച്ച് സൃഷ്ടിച്ചത്. കാര്ഗില് യുദ്ധം നടക്കുമ്പോഴാണ് ഈ ഹെലികോപ്റ്ററിന്റെ ആവശ്യം ഉയര്ന്നത്. അന്നുമുതല് ഇതുമായി ബന്ധപ്പെട്ട ജോലികള് നടന്നുവരികയായിരുന്നു. പരീക്ഷണ വേളയില്, ഇന്ത്യയുടെ എല്ലാത്തരം മേഖലകളിലും പറക്കാനുള്ള കഴിവ് അത് തെളിയിച്ചിരുന്നു. അത് സിയാച്ചിനായാലും 13,000 മുതല് 16,000 അടി വരെ ഉയരമുള്ള ഹിമാലയന് മലനിരകളിലും മരുഭൂമിയിലും കൊടുങ്കാടിനു മുകളിലൂടെയുമൊക്കെ അനായാസം പറക്കാന് പ്രചണ്ഡിന് കഴിയും.