പത്തനംതിട്ട : ശബരിമലയില് ഏല്ലാപ്രായത്തിലുമുള്ള സ്ത്രീകള്ക്കും ദര്ശനം നടത്താമെന്ന സുപ്രീംകോടതി വിധിയുടെ അടിസ്ഥാനത്തില് ബിന്ദുവും കനകദുര്ഗയും ശബരിമല ദര്ശനം നടത്തിയതായി സൂചന. ഇന്ന് പുലര്ച്ചെ 3.45 നോടുകൂടിയാണ് മഫ്തി പൊലീസിന്റെ സുരക്ഷയില് ഇരുവരും ശബരിമല ദര്ശനം നടത്തിയത്.
പതിനെട്ടാം പടി ഒഴിവാക്കി, ഇരുമുടിക്കെട്ടില്ലാതെയാണ് ഇരുവരും സന്നിധാനത്തെത്തി ദര്ശനം നടത്തിയത്. തങ്ങള്ക്ക് ദര്ശനത്തിന് പൊലീസ് സംരക്ഷണം ലഭിച്ചുവെന്ന് ഇരുവരും പറഞ്ഞു. എന്നാല് ഇതു സംബന്ധിച്ച് അറവില്ലെന്നാണ് ദേവസ്വം ബോര്ഡ് പറയുന്നത്.