തിരുവനന്തപുരം : ബിനീഷ് കോടിയേരി തെറ്റ് ചെയ്തിട്ടുണ്ടെങ്കില് ശിക്ഷിക്കപ്പെടട്ടെയെന്ന് സിപിഐഎം പോളിറ്റ് ബ്യൂറോ അംഗം എസ് രാമചന്ദ്രന്പിള്ള. അന്വേഷണ ഏജന്സികള് ബിനീഷിനെതിരെയുള്ള തെളിവുകള് ഹാജരാക്കണം. ശിവശങ്കരിന്റെ വീഴ്ച ബോധ്യപ്പെട്ടപ്പോള് തന്നെ മാറ്റി നിര്ത്തി. സംസ്ഥാന സര്ക്കാരിനെ അസ്ഥിരപ്പെടുത്താന് ബോധപൂര്വം ശ്രമം നടക്കുന്നു. കേന്ദ്ര ഏജന്സികളെ രാഷ്ട്രീയ ആവശ്യങ്ങള്ക്ക് കേന്ദ്ര സര്ക്കാര് ദുരുപയോഗപ്പെടുത്തുകയാണെന്നും എസ് രാമചന്ദ്രന് പിള്ള ആരോപിച്ചു.
അതേസമയം ബിനീഷ് വിഷയത്തിൽ കോടിയേരി ബാലകൃഷ്ണന് പിന്തുണയുമായി സിപിഐഎം കേന്ദ്രനേതൃത്വം രംഗത്തെത്തിയിരുന്നു. കോടിയേരി സെക്രട്ടറി സ്ഥാനം ഒഴിയേണ്ട സാഹചര്യമില്ല. ബിനീഷ് കോടിയേരി പാര്ട്ടി അംഗമല്ലാത്തതിനാല് നിലപാട് എടുക്കേണ്ടതില്ലെന്നും കേന്ദ്ര കമ്മിറ്റി വിലയിരുത്തി.