തിരുവനന്തപുരം: കേന്ദ്ര സർക്കാരിനെ കർഷക വിഷയത്തിൽ വിമർശിച്ച് എസ് രാമചന്ദ്രൻ. കോർപറേറ്റുകളെ ശാക്തീകരിച്ച്‌ കർഷകരെ അടിമകളാക്കി മാറ്റാനാണ്‌ പുതിയ കാർഷിക നിയമത്തിലൂടെ കേന്ദ്രം ലക്ഷ്യമിടുന്നതെന്ന്‌ സിപിഐ എം പൊളിറ്റ്‌ ബ്യൂറോ അംഗം എസ് രാമചന്ദ്രൻപിള്ള. ചിന്ത പബ്ലിഷേഴ്‌സ്‌ നടത്തിയ ഓൺലൈൻ പ്രഭാഷണപരിപാടിയിൽ ദേശീയ കാർഷിക പ്രക്ഷോഭത്തിന്റെ പശ്ചാത്തലത്തിൽ ഇന്ത്യൻ രാഷ്ട്രീയ സാഹചര്യം വിഷയത്തിൽ സംസാരിക്കുകയായിരുന്നു അദ്ദേഹത്തിന്റെ പ്രസ്താവന.
കാർഷിക ഉൽപ്പന്നങ്ങളുടെ വില ഇടിയുന്നു, കൃഷിയിറക്കാനാകുന്നില്ല, കൃഷി വിപുലീകരിക്കാനോ ശാസ്‌ത്ര സാങ്കേതികരംഗം, ജലസേചനം എന്നിവ പ്രയോജനപ്പെടുത്താനോ കേന്ദ്ര സർക്കാർ ശ്രമിക്കുന്നില്ല. ഇതിനു പുറമെയാണ്‌ പുതിയ നിയമത്തിലൂടെ കൃഷിയെയും കൃഷിക്കാരെയും കോർപറേറ്റുകൾക്ക്‌ തീറെഴുതുന്നത്‌. കാർഷിക മേഖലയിൽനിന്ന്‌ സർക്കാർ പൂർണമായി പിന്മാറുകയാണെന്നും അദ്ദേഹം പറഞ്ഞു.
