തിരുവനന്തപുരം : മൂന്നാറിലെ ഹോട്ടലുകള്‍ പൊളിച്ചതുകൊണ്ടോ കാലാവസ്ഥ സംരക്ഷിച്ചതുകൊണ്ടോ പ്രകൃതി ദുരന്തങ്ങള്‍ തടയാനാവില്ലെന്ന് ദേവികുളം എംഎല്‍എ എസ് രാജേന്ദ്രന്‍.
ഗാഡ്ഗില്‍, കസ്തൂരിരംഗന്‍ എന്നിവര്‍ പറഞ്ഞതൊന്നുമല്ല അതിന് അപ്പുറമാണ് കാര്യങ്ങളെന്നും രാജേന്ദ്രന്‍ പറഞ്ഞു. ഡാമുകള്‍ വന്നതുകൊണ്ടോ, കാലാവസ്ഥ സംരക്ഷിച്ചതുകൊണ്ടോ, പ്ലംജുഡി റിസോര്‍ട്ട് പൂട്ടാന്‍ നോട്ടീസ് കൊടുക്കുന്നതുകൊണ്ടോ പ്രകൃതിയുടെ വിധിയെ നമുക്ക് മറികടക്കാന്‍ കഴിയില്ലെന്നും എസ് രാജേന്ദ്രന്‍ വ്യക്തമാക്കി.
പ്രളയ ദുരന്തത്തേക്കുറിച്ച് ചര്‍ച്ച ചെയ്യാന്‍ വിളിച്ച് ചേര്‍ത്ത പ്രത്യേക നിയമസഭാ സമ്മേളനത്തില്‍ സംസാരിക്കുകയായിരുന്നു അദ്ദേഹം.
