കിളികൊല്ലൂര്: കൊല്ലം-എറണാകുളം റെയില്വെ പാതയില് വിള്ളല് കണ്ടെത്തി. കൊല്ലത്തിനും പെരിനാടിനും ഇടയില് ചാത്തിനാംകുളം റെയില്വേ ഗേറ്റിന് സമീപമാണ് വിള്ളല് കണ്ടെത്തിയത്.
കൊല്ലത്ത് നിന്നും ഹൈദരാബാദ്-ശബരി എക്സ്പ്രസ് കടന്നുപോയതിന് ശേഷമാണ് വിള്ളല് കണ്ടത്തെിയത്. പാളത്തിലൂടെ നടന്നുപോയവരാണ് വിള്ളല് കണ്ടെത്തിയത്. തൊട്ടടുത്ത റെയില്വേ ഗേറ്റില് വിവരം അറിയിച്ചതിനെ തുടര്ന്ന് അധികൃതരെത്തി താല്കാലിക വെല്ഡിങ് ജോലികള് നടത്തി ട്രെയിനുകള് വേഗത കുറച്ച് കടത്തിവിടുകയായിരുന്നു.
കാലാവസ്ഥ വ്യതിയാനമാണ് പാളം പൊട്ടാന് കാരണമായതെന്നാണ് റെയില്വെയുടെ വിശദീകരണം. മൂന്ന് വര്ഷത്തിനിടെ നാലാംതവണയാണ് ഈ ഭാഗത്ത് വിള്ളല് കണ്ടെത്തുന്നത്