കൊച്ചി: സംസ്ഥാനത്ത് ആര്ടിപിസിആര് ടെസ്റ്റ് നിരക്ക് 500 രൂപയായി കുറച്ചതിനെതിരെ സ്വകാര്യ ലാബ് ഉടമകള് ഹൈക്കോടതിയെ സമീപിച്ചു. സര്ക്കാര് ഉത്തരവ് റദ്ദാക്കണമെന്നാണ് ഹര്ജിയിലെ ആവശ്യം. അല്ലാത്ത പക്ഷം ലാബുകള്ക്ക് സബ്സിഡി നല്കി നഷ്ടം സര്ക്കാര് നികത്തണമെന്നും ആവശ്യപ്പെടുന്നു.
നിരക്ക് കുറയ്ക്കുന്നത് സംസ്ഥാനത്തെ കൊവിഡ് പരിശോധനകളുടെ ഗുണനിലവാരം തകര്ക്കും. ലാബുകളിലെ പരിശോധനകളുടെ നിരക്കുകള് നിശ്ചയിക്കാന് സര്ക്കാരിന് അധികാരമില്ലെന്നാണ് ലാബ് ഉടമകളുടെ വാദം. നിരക്ക് കുറച്ച സര്ക്കാര് ഉത്തരവ് ഐസിഎംആര് നിര്ദേശങ്ങള്ക്ക് വിരുദ്ധമാണ്.
നിരക്ക് 500 രൂപയാക്കിയ സര്ക്കാര് നടപടി വലിയ സാമ്പത്തിക ബാധ്യത ഉണ്ടാക്കുമെന്നും നഷ്ടത്തില് പ്രവര്ത്തിക്കാന് തയ്യാറാകാത്തതിന്റെ പേരില് കേസെടുക്കുമെന്ന് സര്ക്കാര് ഭീഷണിപ്പെടുത്തുന്നുവെന്നും ലാബ് ഉടമകള് പറയുന്നു. ആര്ടിപിസിആര് പരിശോധന നിരക്ക് കുറച്ച ഉത്തരവ് അടിയന്തരമായി സ്റ്റേ ചെയ്യണമെന്നും ഹര്ജിയില് ആവശ്യപ്പെടുന്നു. കോടതി കേസ് നാളെ പരിഗണിക്കും.