കരുവന്നൂർ സഹകരണ സംഘത്തിന് 38.75 കോടി രൂപ ബാങ്ക് തിരിച്ചുനൽകിയിട്ടുണ്ടെന്ന് സഹകരണമന്ത്രി വിഎൻ വാസവൻ. ചികിത്സക്ക് ആവശ്യമായ പണം കിട്ടിയില്ലെന്ന് ബന്ധുക്കൾ ആരോപിക്കുന്ന ഫിലോമിനക്ക് 4.60 ലക്ഷം രൂപ തിരിച്ചുനൽകിയിട്ടുണ്ട്. ജൂൺ 28 ന് പണം ആവശ്യപ്പെട്ടപ്പോഴാണ് നിരസിച്ചത്. ഇതിൽ അന്വേഷണം നടത്തി നടപടി സ്വീകരിക്കുമെന്നും മന്ത്രി അറിയിച്ചു.
സംസ്ഥാനത്ത് 164 സഹകരണ ബാങ്കുകൾ പ്രതിസന്ധിയിലെന്ന എന്ന വാർത്ത സഹകരണ മന്ത്രി വി.എൻ. വാസവൻ തള്ളി. 132 സംഘങ്ങളിൽ മാത്രമാണ് പ്രശ്നം. അതിൽ പലതും സഹകരണ സംഘങ്ങളുടെ പരിധിയിൽ വരുന്നതല്ലെന്നും അദ്ദേഹം പറഞ്ഞു. സഹകരണ മേഖലയെ തകർക്കാൻ ബോധപൂർവ ശ്രമം നടക്കുന്നുവെന്നും മന്ത്രി കുറ്റപ്പെടുത്തി.
