ഇന്ത്യൻ ലോഞ്ചിനു മുന്നോടിയായി ഗോവയിലെ 2022 റൈഡർ മാനിയയിൽ റോയൽ എൻഫീൽഡ് സൂപ്പർ മെറ്റിയർ 650 പ്രദർശിപ്പിച്ചു. വില വരും ആഴ്‍ചകളിൽ പ്രഖ്യാപിക്കും. റൈഡർ മാനിയയുടെ സന്ദർശകർക്ക് മാത്രമായി ബുക്കിംഗും തുടങ്ങി. ഇറ്റലിയിലെ മിലാനിൽ 2022 EICMA യിൽ മോട്ടോർസൈക്കിൾ അരങ്ങേറിയിരുന്നു. ഇന്ത്യൻ വിപണിയിൽ 2023 ന്റെ തുടക്കത്തിൽ അവതരിപ്പിക്കുമെന്നാണ് പ്രതീക്ഷിക്കുന്നത്.
റോയൽ എൻഫീൽഡ് ഇന്റർസെപ്റ്റർ 650 , കോണ്ടിനെന്റൽ ജിടി 650 എന്നിവയുടെ അതേ പ്ലാറ്റ്‌ഫോമിലാണ് ഈ പുതിയ 650 സിസി ക്രൂയിസർ മോട്ടോർസൈക്കിൾ നിർമ്മിച്ചിരിക്കുന്നത്. മെക്കാനിക്കൽ സ്പെസിഫിക്കേഷനുകൾ ഇന്റർസെപ്റ്ററിനും കോണ്ടിനെന്റൽ ജിടിക്കും ഉള്ള അതേ 648 സിസി, പാരലൽ-ട്വിൻ മോട്ടോർ നിലനിർത്തുന്നു. സൂപ്പർ മെറ്റിയർ 650 ന്റെ പവർ ഔട്ട്പുട്ട് 46.2 ബിഎച്ച്പിയിൽ നേരിയ തോതിൽ കുറവാണെങ്കിലും, ടോർക്ക് ഔട്ട്പുട്ട് 52 എൻഎമ്മിൽ മാറ്റമില്ലാതെ തുടരുന്നു.
അതേസമയം, ഈ മോഡലിന് നിലവിലുള്ള 650 സിസി മോട്ടോർസൈക്കിളുകളെ അപേക്ഷിച്ച് എൽഇഡി ഹെഡ്‌ലൈറ്റ്, ഇരുവശത്തും ട്യൂബ്‌ലെസ് ടയറുകളുള്ള അലോയി വീലുകൾ, റോയൽ എൻഫീൽഡിന്റെ ട്രിപ്പർ നാവിഗേഷൻ സിസ്റ്റം, അപ്‌സൈഡ് ഡൗൺ ഫ്രണ്ട് ഫോർക്കുകൾ എന്നിങ്ങനെ നിരവധി മാറ്റങ്ങൾ ലഭിക്കുന്നു. സ്റ്റാൻഡേർഡ്, ടൂറർ എന്നീ രണ്ട് വേരിയന്റുകളിൽ റോയൽ എൻഫീൽഡ് സൂപ്പർ മെറ്റിയർ 650 വാഗ്‍ദാനം ചെയ്യും. രണ്ട് വകഭേദങ്ങളും അവയുടെ യഥാക്രമം വർണ്ണ ഓപ്ഷനുകളിലൂടെയും ആക്സസറികളിലൂടെയും വേർതിരിച്ചറിയാൻ കഴിയും. ലോഞ്ച് ചെയ്‍തു കഴിഞ്ഞാൽ, പുതിയ റോയൽ എൻഫീൽഡ് ഇന്റർസെപ്റ്റർ 650 കവാസാക്കി വൾക്കൻ എസ് , ബെനെല്ലി 502 സി എന്നിവയ്‌ക്ക് എതിരാളിയാകും.
രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന 10 പ്രീമിയം ബൈക്കുകളിൽ റോയല്‍ എൻഫീല്‍ഡിന്‍റെ ആറ് ബൈക്കുകൾ ഇടം നേടിയിരുന്നു. ഉപഭോക്താക്കൾ വാങ്ങിക്കൂട്ടിയ കമ്പനിയുടെ രണ്ട് ബൈക്കുകളെക്കുറിച്ച് നമുക്ക് അറിയിക്കാം. ക്ലാസിക്ക് 350ഉം ഹണ്ടര്‍ 350 ആണ് അമ്പരപ്പിക്കുന്ന വില്‍പ്പന കമ്പനിക്ക് സമ്മാനിച്ചത്. കഴിഞ്ഞ മാസം, റോയൽ എൻഫീൽഡ് ക്ലാസിക് 350-ന്റെ 27,571 യൂണിറ്റുകൾ വിറ്റു. കഴിഞ്ഞ വർഷം 13,751 യൂണിറ്റുകൾ വിറ്റഴിച്ചു. അതായത് ഇത്തവണ കമ്പനിയുടെ വാര്‍ഷിക വിൽപ്പന 100 ശതമാനം വർദ്ധിക്കുകയും കഴിഞ്ഞ വർഷത്തെ അപേക്ഷിച്ച് 13,820 വാഹനങ്ങൾ കൂടുതൽ വിറ്റഴിക്കുകയും ചെയ്‍തു. നിലവിൽ ഈ ബൈക്കിന് 30.70 ശതമാനം വിപണി വിഹിതമുണ്ട്. ഇതിനുപുറമെ, കമ്പനി അടുത്തിടെ പുറത്തിറക്കിയ ഹണ്ടർ 350 ഉപഭോക്താക്കളെ പൂർണ്ണമായും ആകർഷിക്കാൻ കഴിഞ്ഞു
