ന്യൂഡൽഹി: റോഹിംഗ്യൻ വിഷയത്തിൽ കേന്ദ്രസർക്കാരിന് മനുഷ്യാവകാശ കമ്മീഷന്റെ രൂക്ഷ വിമർശനം.
കേന്ദ്ര നിലപാട് മനുഷ്യാവകാശ ലംഘനമാണെന്നും കേന്ദ്ര നിലപാടിനെതിരെ തിങ്കളാഴ്ച സുപ്രീം കോടതിയെ സമീപിക്കുമെന്നും കമ്മീഷൻ അറിയിച്ചു.
റോഹിംഗ്യൻ വിഷയത്തിൽ കേന്ദ്ര സർക്കാർ തിങ്കളാഴ്ച സുപ്രീം കോടതിയിൽ സത്യവാങ്മൂലം നൽകുമെന്ന് കേന്ദ്ര ആഭ്യന്തര മന്ത്രി രാജ്നാഥ് സിംഗ് പറഞ്ഞു.
റോഹിംഗ്യൻ അഭയാർഥികൾ രാജ്യസുരക്ഷയ്ക്കു ഭീഷണിയാണെന്ന് കേന്ദ്ര സർക്കാർ സുപ്രീംകോടതിയെ അറിയിച്ചെന്ന വാർത്ത കഴിഞ്ഞ ദിവസം വന്നിരുന്നു. എന്നാൽ, ഇത്തരത്തിൽ സത്യവാങ്മൂലം നൽകിയിട്ടില്ലെന്നായിരുന്നു സർക്കാരിന്റെ വിശദീകരണം.