പത്തനംതിട്ട: റോബിന് ബസുടമയ്ക്കെതിരെ മുഖ്യമന്ത്രിക്ക് പരാതി നല്കി സഹോദരന്. പരാതിയുമായി രംഗത്ത് വന്നത് റോബിന് ബസുടമയുടെ സഹോദരന് ബേബി ഡിക്രൂസാണ്. വര്ഷങ്ങളായി ഗിരീഷ് മാനസികമായി പീഡിപ്പിക്കുന്നുവെന്നും ബേബി ഡിക്രൂസ് പറയുന്നു.
സ്വത്ത് തര്ക്കവുമായി ബന്ധപ്പെട്ട് വീട്ടില് എത്തി കുട്ടികളെ ഭീഷണിപ്പെടുത്തിയെന്നും പരാതി. തന്റെ സ്വത്തുക്കളും വസ്തുക്കളും കയ്യടക്കി. നിരന്തരമായി ഭീഷണിപ്പെടുത്തി കിടപ്പിലായ മാതാപിതാക്കളെ കാണാന് അനുമതി നിഷേധിച്ചു.
ഭീഷണിയും, ഉപദ്രവവും മൂലം ഒളിവില് എന്ന പോലെയാണ് ജീവിക്കുന്നതെന്നും സഹോദരന് വെളിപ്പെടുത്തി. പൊലീസില് പരാതി നല്കിയെങ്കിലും നടപടി ഉണ്ടായില്ലെന്നും സഹോദരന് പറയുന്നു.വാടക വീടുകളില് താമസിക്കുന്ന തങ്ങളെ നിരന്തരം ഭീക്ഷണിപ്പെടുത്തുന്നുണ്ടെന്നും തങ്ങളുടെ സൈ്വര്യ ജീവിതം ഉറപ്പുവരുത്തണമെന്നും പരാതിയില് ആവശ്യപ്പെട്ടിട്ടുണ്ടെന്ന് ബേബി ഡിക്രൂസ് പറഞ്ഞു.