വള്ളികുന്നം: ചുനാട് തെക്കേ ജംഗ്ഷനിലെ ജ്വല്ലറിയിലും, ബേക്കറിയിലും മോഷണങ്ങള് നടത്തിയ സ്ത്രീകള് ഉള്പ്പെടെയുള്ള സംഘത്തെ വള്ളികുന്നം പൊലീസ് അറസ്റ്റ് ചെയ്തു. കരുനാഗപ്പള്ളി കാരൂര്ക്കടവ് മീതു ഭവനത്തില് നിതിന്, ഇലിപ്പക്കുളം തോട്ടിങ്കല് കിഴക്കതില് സജിലേഷ്, എറണാകുളം കുമ്പളങ്ങി താന്നിക്കല് പ്രീത, തിരുവനന്തപുരം വെഞ്ഞാറുംമൂട് പൂവന്വിളവത്ത് അനു എന്നിവരാണ് അറസ്റ്റിലായത്.
വെള്ളിയാഴ്ച്ച പുലര്ച്ചെ രണ്ടരയോടെ ചുനാട് ജാസ്മിന് ജ്വല്ലറിയിലെ ഷട്ടര് ഗ്യാസ് കട്ടര് ഉപയോഗിച്ച് തകര്ത്ത് മോഷണത്തിന് ശ്രമിക്കുകയും, തൊടടുത്തുള്ള സിറ്റിബേക്കറി കുത്തിതുറന്ന് മോഷണം നടത്തിയ കേസിലുമാണ് ഇവര് അറസ്റ്റിലായത്. ഗ്യാസ് കട്ടറുകളും ഒക്സിജന് സിലണ്ടറും ഉള്പ്പെടെയുള്ള ഉപകരണങ്ങളുമായി വെളുത്ത ടാറ്റ ടിയാഗോ കാറിലാണ് സ്ത്രീകള് ഉള്പ്പെടെയുള്ള സംഘം യാത്ര ചെയ്തിരുന്നത്.
പ്രതികള് സഞ്ചരിച്ചിരുന്ന വാഹനത്തെകുറിച്ച് പൊലീസിന് ലഭിച്ച ചില സൂചനകളുടെ അടിസ്ഥാനത്തില് നടത്തിയ അന്വേഷണത്തിലാണ് രണ്ട് ദിവസങ്ങള്ക്കുള്ളില് പ്രതികളെ പിടികൂടാന് കഴിഞ്ഞത്. രക്ഷപ്പെട്ട പ്രതികളുടെ സംഘം അഞ്ചാംകുറ്റിയില് വെച്ചാണ് പൊലീസ് പിടിയിലാകുന്നത്.