ന്യൂഡല്ഹി: മൈക്രോ ചിപ്പ് നമ്പറൊ പിന് നമ്പറൊ ഇല്ലാത്ത ഡെബിറ്റ്, ക്രെഡിറ്റ് കാര്ഡുകള് ജനുവരി ഒന്ന് മുതല് പ്രവര്ത്തിക്കില്ല.
ആഗോള നിലവാരത്തിലുള്ള സുരക്ഷാ സംവിധാനങ്ങളോട് കൂടിയ ഇഎംവി കാര്ഡുകളാണ് പുറത്തിറക്കാന് ഒരുങ്ങുന്നത്. റിസര്വ് ബാങ്കിന്റെ നിര്ദ്ദേശത്തെ തുടര്ന്നാണ് ഇത്തരത്തിലൊരു മാറ്റം കൊണ്ടു വരുന്നത്.
കൂടുതല് സുരക്ഷിതത്വമുള്ള ഇഎംവി (യൂറോ പേ, വിസ, മാസ്റ്റര് കാര്ഡ്) കാര്ഡുകള് ബാങ്കില് നിന്നും മാറ്റി വാങ്ങണമെന്ന് റിസര്വ് ബാങ്ക് നേരത്തെ തന്നെ അറിയിച്ചിരുന്നു. നിലവില് ഉപയോഗിക്കുന്ന പഴയ മാഗ്നറ്റിക് സ്ട്രിപ് കാര്ഡുകള് പിന്വലിച്ച ശേഷമാണ് പുതിയ ഇഎംവി കാര്ഡുകള് വരുന്നത്.