കറാച്ചി: പാക്കിസ്ഥാനില് ഹിന്ദു പെണ്കുട്ടിയെ തട്ടികൊണ്ട് പോയി നിര്ബന്ധിത മതപരിവര്ത്തനത്തിന് വിധേയമാക്കി.
പാക്കിസ്ഥാനിലെ താറിലെ ഒരു ഗ്രാമത്തില് ആണ് സംഭവം.
ഇസ്ലാം മതത്തിലേയ്ക്ക് മാറ്റിയ പെണ്കുട്ടിയുടെ വിവാഹവും പിന്നീട് നടന്നു. പെണ്കുട്ടിയുടെ മാതാപിതാക്കളാണ് ഇത് സംബന്ധിച്ച കാര്യം വെളിപ്പെടുത്തിയതെന്ന് എഎന്ഐ റിപ്പോര്ട്ട് ചെയ്യുന്നു.
ആയുധധാരികളായ മൂന്ന് പേര് ചേര്ന്നാണ് പെണ്കുട്ടിയെ തട്ടികൊണ്ട് പോയത്. പോലീസില് പരാതി നല്കിയെങ്കിലും നടപടി സ്വീകരിക്കുന്നതിനോ സഹായിക്കുന്നതിനോ വൈകിയെന്നും പെണ്കുട്ടിയുടെ അച്ഛന് വിമര്ശിച്ചു.
അതേസമയം പരാതിയെ തുടര്ന്ന് എഫ്ഐആര് രജിസ്റ്റര് ചെയ്തിട്ടുണ്ട്. കൂടാതെ പരാതിയില് പറയുന്ന പ്രതികള്ക്കായി തിരച്ചില് ഊര്ജ്ജിതമാക്കിയിട്ടുണ്ട്.