ഹൈദരാബാദ്: നടി സായ് പല്ലവിക്കെതിരെ ബജ്‌രംഗ്ദൾ പൊലീസിൽ പരാതി നൽകി. കഴിഞ്ഞ ദിവസം ‘ഗ്രേറ്റ് ആന്ധ്ര’ എന്ന പ്രാദേശിക ഓൺലൈൻ മാധ്യമത്തിന് നൽകിയ അഭിമുഖത്തിലെ പരാമർശം ചൂണ്ടിക്കാട്ടിയാണ് പരാതി. ഹൈദരാബാദ് പൊലീസിൽ ആണ് പരാതി നൽകിയിരിക്കുന്നത്.
കശ്മീരി പണ്ഡിറ്റുകളുടെ കൂട്ട കൊലയും പശുവിന്റെ പേരിൽ മുസ്‌ലിംകൾക്കെതിരെ നടക്കുന്ന ആൾക്കൂട്ട കൊലപാതകങ്ങളും തമ്മിൽ ഒരു വ്യത്യാസവും കാണാനാകുന്നില്ലെന്ന് അഭിമുഖത്തിൽ സായ് പല്ലവി പറഞ്ഞത്. പരാമർശം വലിയ ചർച്ചയായതിനു പിന്നാലെ നടിക്കെതിരെ വലിയ തോതിൽ വിമർശനങ്ങളും ഉയർന്നു.
കശ്മീരി പണ്ഡിറ്റുകളെക്കുറിച്ചുള്ള പരാമർശം ചൂണ്ടിക്കാട്ടിയാണ് ബജ്‌രംഗ്ദൾ
നേതാക്കൾ സായ് പല്ലവിക്കെതിരെ പരാതി നൽകിയിരിക്കുന്നത്. ഹൈദരാബാദിലെ സുൽത്താൻ ബസാർ പൊലീസ് സ്റ്റേഷനിലാണ് പരാതി നൽകിയത്. വിഡിയോ പരിശോധിച്ച ശേഷം തുടർ നടപടികൾ സ്വീകരിക്കുമെന്ന് പൊലീസ് പ്രതികരിച്ചു.
