സംസ്ഥാനത്ത് സ്വര്ണ വിലയില് ഇന്ന് നേരിയ കുറവ്. അന്താരാഷ്ട്ര വിപണിയില് സ്വര്ണവിലയില് കുറവ് രേഖപ്പെടുത്തി. 160 രൂപയുടെ കുറവാണ് ഇന്നുണ്ടായിരിക്കുന്നത്. ഒരു പവന് സ്വര്ണത്തിന്റെ വില 46,480 രൂപയായി. ഗ്രാമിന് 20 രൂപ കുറഞ്ഞ് 5810 രൂപയാണ് ഒരു ഗ്രാം സ്വര്ണത്തിന്റെ വില. ഇന്നലെ 120 രൂപ വര്ധിച്ച് ഒരു പവന് സ്വര്ണത്തിന്റെ വില 46,640 രൂപയായിരുന്നു.
കഴിഞ്ഞ മാസം 18ന് ആ മാസത്തെ ഏറ്റവും താഴ്ന്ന നിലവാരത്തിലേക്ക് സ്വര്ണവില എത്തിയിരുന്നു. 45,920 രൂപയായിരുന്നു അന്ന് സ്വര്ണവില. എന്നാല് പിന്നീടുള്ള ദിവസങ്ങളില് വില ഉയരുന്നതാണ് കണ്ടത്. രണ്ടാഴ്ചയ്ക്കിടെ ഏകദേശം 720 രൂപയാണ് വര്ധിച്ചിരുന്നു. ജനുവരി രണ്ടിന് 47,000 രൂപയായിരുന്നു സ്വര്ണവില. ജനുവരിയിലെ ഏറ്റവും ഉയര്ന്ന നിരക്കും ഇതാണ്.