റെഡ്മി നോട്ട് 8 2021 സ്മാര്‍ട്‌ഫോണ്‍ ഉടന്‍ അവതരിപ്പിക്കുമെന്ന് റിപ്പോര്‍ട്ട്. യഥാര്‍ത്ഥ റെഡ്മി നോട്ട് 8 സ്മാര്‍ട്ട്ഫോണുമായി താരതമ്യപ്പെടുത്തുമ്പോള്‍ റെഡ്മി നോട്ട് 8 2021 വാട്ടര്‍ ഡ്രോപ്പ് നോച്ചും നേര്‍ത്ത ബെസലുമായി വരും. റെന്‍ഡര്‍ ഈ സ്മാര്‍ട്ട്ഫോണിനെ ഒരു നീല നിറത്തില്‍ കാണിക്കുന്നു.
റെഡ്മി നോട്ട് 8 2021 ബോക്‌സില്‍ ഫാസ്റ്റ് ചാര്‍ജിംഗ് സപ്പോര്‍ട്ടുള്ള 4000 എംഎഎച്ച് ബാറ്ററിയുണ്ട്. 4 ജിബി റാമും 64 ജിബി ഇന്റേണല്‍ സ്റ്റോറേജുമായി ജോടിയാക്കിയ മീഡിയടെക്കിന്റെ ഹിലിയോ ജി 85 പ്രോസസറാണ് സ്മാര്‍ട്‌ഫോണിന് കരുത്ത് പകരുന്നത്. ഉപയോക്താക്കള്‍ക്ക് കൂടുതല്‍ റാമും സ്റ്റോറേജ് ഓപ്ഷനുകളും ലഭ്യമായിരിക്കും. 48 മെഗാപിക്‌സല്‍ പ്രൈമറി സെന്‍സറുള്ള നാല് പിന്‍ ക്യാമറകളുമായാണ് ഈ സ്മാര്‍ട്ട്ഫോണ്‍ വരുന്നത്. മുന്‍വശത്ത്, സെല്‍ഫികള്‍ പകര്‍ത്തുന്നതിന് ഒരൊറ്റ ഇമേജ് സെന്‍സര്‍ ഉണ്ടായിരിക്കും.
റെഡ്മി നോട്ട് 8 2021 എംഐയുഐഐ 12.5 ഓപ്പറേറ്റിംഗ് സിസ്റ്റം അടിസ്ഥാനമാക്കി ആന്‍ഡ്രോയിഡ് 11ല്‍ പ്രവര്‍ത്തിക്കുമെന്ന് പറയുന്നു. 6.3 ഇഞ്ച് ഫുള്‍ എച്ച്ഡി ഡിസ്പ്ലേ, ക്വാല്‍കോം സ്നാപ്ഡ്രാഗണ്‍ 665 SoC പ്രോസസര്‍, 6 ജിബി വരെ റാമും 128 ജിബി സ്റ്റോറേജുമാണ് യഥാര്‍ത്ഥ റെഡ്മി നോട്ട് 8ല്‍ ഉള്‍പ്പെടുത്തിയിരിക്കുന്നത്. മൈക്രോ എസ്ഡി കാര്‍ഡ് സപ്പോര്‍ട്ടും നല്‍കിയിട്ടുണ്ട്.
റെഡ്മി നോട്ട് 8 ല്‍ 18W ചാര്‍ജിംഗ് സപ്പോര്‍ട്ടുള്ള 4,000 എംഎഎച്ച് ബാറ്ററിയും ഉള്‍പ്പെടുന്നു. 48 മെഗാപിക്‌സല്‍ പ്രൈമറി സെന്‍സര്‍ (സാംസങ് ജിഎം 1), 8 മെഗാപിക്‌സല്‍ അള്‍ട്രാ-വൈഡ് ആംഗിള്‍, 2 മെഗാപിക്‌സല്‍ മാക്രോ ലെന്‍സ്, 2 മെഗാപിക്‌സല്‍ ഡെപ്ത് സെന്‍സര്‍ എന്നിവയുള്‍പ്പെടെ നാല് പിന്‍ ക്യാമറകള്‍ റെഡ്മി സ്മാര്‍ട്ട്ഫോണിലുണ്ട്. മുന്‍വശത്ത്, സെല്‍ഫികള്‍ക്കും വീഡിയോ കോളുകള്‍ക്കുമായി 13 മെഗാപിക്‌സല്‍ ക്യാമറയും ഈ സ്മാര്‍ട്ട്‌ഫോണില്‍ ഉള്‍പ്പെടുന്നു.
