ഷവോമിയുടെ പുതിയ സ്മാര്‍ട്ട്‌ഫോണ്‍ റെഡ്മി 9 പ്രൈം ഇന്ന് ഇന്ത്യയില്‍ വില്‍പ്പനയ്‌ക്കെത്തും. ഓഗസ്റ്റ് 6നാണ് ഫോണിന്റെ ആദ്യ വില്‍പ്പന നടന്നത്. 9,999 രൂപയാണ് ഈ ഡിവൈസിന്റെ വില. ഇപ്പോള്‍ ഇത് എംഐ.കോം, ആമസോണ്‍ ഇന്ത്യ എന്നിവയില്‍ നിന്ന് വാങ്ങാന്‍ ലഭ്യമാണ്. വില്‍പന ഉച്ചയ്ക്ക് 12 മണിക്ക് ആരംഭിച്ച് സ്റ്റോക്കുകള്‍ അവസാനിക്കുന്നതു വരെ വില്‍പ്പന തുടരും
വാട്ടര്‍ ഡ്രോപ്പ് നോച്ച്, നേര്‍ത്ത സൈഡ് ബെസെലുകള്‍, ഉയരമുള്ള വീക്ഷണാനുപാതം എന്നിവ ഉള്‍ക്കൊള്ളുന്നതാണ് ഈ ഷവോമിയുടെ ഈ പുതിയ സ്മാര്‍ട്ട്‌ഫോണ്‍.
2016 ന് ശേഷം ആദ്യമായാണ് ഷവോമി തന്റെ സ്മാര്‍ട്ട്‌ഫോണുകളില്‍ ഒന്നിനായി പ്രൈം മോണിക്കര്‍ ഉപയോഗിക്കുന്നത്. 2016 ല്‍ ഈ പേരിനൊപ്പം അവസാനമായി അവതരിപ്പിച്ച സ്മാര്‍ട്ട്ഫോണാണ് റെഡ്മി 3 എസ് പ്രൈം. റെഡ്മി സീരീസില്‍ പ്രോ മോണിക്കര്‍ ഷവോമി ഉപയോഗിച്ചുവെങ്കിലും റെഡ്മി 9 സീരീസ് പ്രൈം മോണിക്കറെ തിരികെ കൊണ്ടുവരുന്നു.
യൂറോപ്യന്‍ എഡിഷനില്‍ 6.5 ഇഞ്ച് ഫുള്‍ എച്ച്ഡി + ഡിസ്‌പ്ലേ, മുകളില്‍ ഡ്യൂഡ്രോപ്പ് നോച്ച് വരുന്നു. 4 ജിബി റാമും 64 ജിബി സ്റ്റോറേജുമായി ജോടിയാക്കിയ മീഡിയടെക് ഹീലിയോ ജി 80 ചിപ്‌സെറ്റാണ് ഈ ഫോണിന്റെ പ്രധാന കരുത്ത്. ഈ സ്മാര്‍ഫോണിന്റെ ചാര്‍ജിങ് കപ്പാസിറ്റി മികച്ച രീതിയില്‍ നിലനിര്‍ത്തുവാന്‍ 5,020mAh ബാറ്ററി വരുന്നു.
13 മെഗാപിക്സല്‍ സെന്‍സറാണ് ഈ സ്മാര്‍ട്ഫോണിന്റെ പ്രധാന ക്യാമറ. അതില്‍ 8 മെഗാപിക്സല്‍ വൈഡ് ആംഗിള്‍ ക്യാമറയുണ്ട്. ഇതില്‍ 5 മെഗാപിക്സല്‍ മാക്രോ ക്യാമറയും 2 മെഗാപിക്സല്‍ ഡെപ്ത് ക്യാമറയും ലഭിക്കും. സെല്‍ഫി ക്യാമറ 8 മെഗാപിക്സല്‍ സെന്‍സര്‍ ഉപയോഗിക്കുന്നു.
