റിയല്‍മി ജിടി 5 ജി സ്മാര്‍ട്‌ഫോണ്‍ മാര്‍ച്ച് 4 ന് അവതരിപ്പിക്കും. ഇതിന് മുമ്പായി സിന്തറ്റിക് ബെഞ്ച്മാര്‍ക്ക് പ്ലാറ്റ്ഫോമായ ഗീക്ക്‌ബെഞ്ചില്‍ പ്രത്യക്ഷപ്പെട്ടു. RMX2202 മോഡല്‍ നമ്പറുമായി വരുന്ന ഈ ഹാന്‍ഡ്സെറ്റിന് സിംഗിള്‍-കോര്‍ സ്‌കോര്‍ 1138, 3572 മള്‍ട്ടി-കോര്‍ സ്‌കോര്‍ ഉണ്ട്. സ്‌നാപ്ഡ്രാഗണ്‍ 888 SoC പ്രോസസറുമായി ബന്ധപ്പെട്ട മദര്‍ബോര്‍ഡ് വിഭാഗത്തിലെ ‘ലഹൈന’ എന്ന രഹസ്യനാമവും ഈ ലിസ്റ്റിംഗ് വെളിപ്പെടുത്തുന്നു.
റിയല്‍മി ജിടി 5 ജിയില്‍ ഡോള്‍ബി അറ്റ്മോസും സ്റ്റീരിയോ സ്പീക്കറുകളും ഉള്‍പ്പെടുമെന്ന് റിയല്‍മി വിപി മിസ്റ്റര്‍ ക്വി ക്വി ചേസ് നേരത്തെ അവകാശപ്പെട്ടിരുന്നു. വരാനിരിക്കുന്ന റിയല്‍മി സ്മാര്‍ട്ട്ഫോണ്‍ ഗ്ലാസ് ബാക്ക്, ലെതര്‍ വേരിയന്റുകളില്‍ വിപണിയില്‍ ലഭ്യമാകും. ചൈനീസ് മൈക്രോ ബ്ലോഗിംഗ് സൈറ്റായ വെയ്ബോയില്‍ ഒരു റിയല്‍മി ജിടി 5 ജി റീട്ടെയില്‍ ബോക്‌സ് പ്രത്യക്ഷപ്പെട്ടു. റിയല്‍മി എക്‌സ് 7 പ്രോ പോലുള്ള സമാനമായ പാക്കേജിംഗ്, സ്വര്‍ണ്ണ നിറത്തിലുള്ള വാചകം വരുന്ന കറുത്ത കവറിംഗ് ബോക്‌സ് കാണിക്കുന്നു. 5 ജി ശേഷിക്ക് പുറമെ, റീട്ടെയില്‍ ബോക്‌സ് കൂടുതല്‍ വിശദാംശങ്ങള്‍ വെളിപ്പെടുത്തിയിട്ടില്ല.
ചോര്‍ന്ന പോസ്റ്റര്‍ അനുസരിച്ച്, സ്മാര്‍ട്ട്ഫോണിന്റെ പാനലിന്റെ മുകളില്‍ ഇടത് കോണില്‍ ഒരു പഞ്ച്-ഹോള്‍ ഉണ്ടായിരിക്കാം. 64 മെഗാപിക്‌സല്‍ എഐ ട്രിപ്പിള്‍ റിയര്‍ ക്യാമറക വരുമെന്ന് റിയല്‍മി ജിടി 5 ജി ടിപ്പ് ചെയ്തിട്ടുണ്ട്. സ്‌നാപ്ഡ്രാഗണ്‍ 888 മൊബൈല്‍ പ്ലാറ്റ്‌ഫോമിനൊപ്പം 12 ജിബി റാമും 256 ജിബി ഇന്റേണല്‍ സ്റ്റോറേജും ഇതില്‍ ഉണ്ടാകും.125W ഫാസ്റ്റ് ചാര്‍ജിംഗ് സാങ്കേതികവിദ്യയെ സപ്പോര്‍ട്ട് ചെയ്യുന്ന 5,000 എംഎഎച്ച് ബാറ്ററിയായിരിക്കും ഈ ഹാന്‍ഡ്സെറ്റില്‍ കമ്പനി ഉള്‍പ്പെടുത്തുന്നത്.
റിയല്‍മി ജിടി 5 ജി കസ്റ്റമൈസ്ഡ് റിയല്‍മി യുഐ 2.0 അധിഷ്ഠിത ആന്‍ഡ്രോയിഡ് 11 ഓപ്പറേറ്റിംഗ് സിസ്റ്റത്തില്‍ പ്രവര്‍ത്തിക്കും. റിയല്‍മി ജിടി 5 ജി സിഎന്‍വൈ 2,999 (ഏകദേശം 33,800 രൂപ) ആരംഭ വിലയ്ക്ക് വരുമെന്ന് പ്രതീക്ഷിക്കുന്നു. ഈ ആഴ്ച ചൈനയില്‍ സ്മാര്‍ട്ട്ഫോണിന്റെ ഗ്ലോബല്‍ ലോഞ്ച് റിയല്‍മിയുടെ വിപി സ്ഥിരീകരിച്ചിട്ടുണ്ടെങ്കിലും പുതിയ റിയല്‍മി ഡിവൈസ് ബ്യൂറോ ഓഫ് ഇന്ത്യന്‍ സ്റ്റാന്‍ഡേര്‍ഡില്‍ (ബിഐഎസ്) സര്‍ട്ടിഫിക്കറ്റ് ലഭിച്ചതായി കണക്കാക്കുമ്പോള്‍ റിയല്‍മി ജിടി 5 ജി ഈ മാസം അല്ലെങ്കില്‍ ഏപ്രില്‍ ആദ്യം ഇന്ത്യയില്‍ അവതരിപ്പിക്കുവാന്‍ സാധ്യതയുണ്ട്.
